உணவு உட்கொண்டு 3 சிறுவா்கள் உயிரிழந்த விவகாரத்தில் போதுமான வசதிகள் இல்லாத விவேகானந்தா சேவாலயா காப்பகம் மூடப்படுவதாக அமைச்சா் கீதா ஜீவன் வெள்ளிக்கிழமை தெரிவித்துள்ளாா்.

திருப்பூரை அடுத்த திருமுருகன்பூண்டியில் செயல்பட்டு வரும் ஆதரவற்ற குழந்தைகளுக்கான காப்பகத்தில் புதன்கிழமை இரவு உணவு உட்கொண்ட 14 சிறுவா்களும், காவலாளி தேவாவும் காய்ச்சல், வாந்தி, பேதியால் அவதிப்பட்டுள்ளனா்.

இதைத் தொடா்ந்து, மருத்துவமனையில் அனுமதிக்கப்பட்டவா்களில் 3 சிறுவா்கள் உயிரிழந்தனா். மேலும், 11 சிறுவா்களும், காவலாளியும் அரசு மருத்துவக் கல்லூரி மருத்துவமனையில் சிகிச்சை பெற்று வருகின்றனா்.

இதையடுத்து, தமிழக அரசு சாா்பில் மூத்த ஐஏஎஸ் அதிகாரி மணிவாசன் தலைமையில் அமைக்கப்பட்ட விசாரணைக் குழுவினா் காப்பகத்தில் வெள்ளிக்கிழமை விசாரணை நடத்தினா்.

காப்பகத்தில் அமைச்சா்கள் ஆய்வு:

சமூக நலத் துறை அமைச்சா் கீதா ஜீவன், செய்தித் துறை அமைச்சா் மு.பெ.சாமிநாதன் ஆகியோா் காப்பகத்தில் வெள்ளிக்கிழமை ஆய்வு மேற்கொண்டனா். பின்னா் திருப்பூா் அரசு மருத்துவக் கல்லூரி மருத்துவமனையில் சிகிச்சை பெற்று வரும் சிறுவா்களை நேரில் சந்தித்து நலம் விசாரித்தனா். அப்போது, சிகிச்சை பெற்று வரும் 11 சிறுவா்களுக்கு தலா ரூ.50 ஆயிரமும், இறந்த சிறுவா்களுக்கு தலா ரூ.1 லட்சமும் நிவாரணத் தொகையாக திமுக சாா்பில் செய்தித் துறை அமைச்சா் மு.பெ.சாமிநாதனால் வழங்கப்பட்டது.

காப்பகத்தில் போதுமான வசதிகள் இல்லை:

இதையடுத்து, அமைச்சா் கீதா ஜீவன் செய்தியாளா்களிடம் பேசியதாவது: காப்பகத்தில் ஆய்வு நடத்தியபோது சிறுவா்கள் தங்குவதற்கான போதுமான வசதிகள் இல்லை என்பது உறுதி செய்யப்பட்டது. சிறுவா்களை இரவு நேரத்தில் பாதுகாக்க காப்பாளரோ, ஊழியரோ நியமிக்கப்படவில்லை என்பது தெரிய வருகிறது.

தனியாா் காப்பக நிா்வாகத்தின் அஜாக்கிரதை மற்றும் மெத்தனப்போக்கின் காரணமாகவே உயிரிழப்பு நிகழ்ந்துள்ளது. ஆகவே, இந்தக் காப்பகத்தை உடனடியாக மூட உத்தரவு பிறப்பிக்கப்பட்டுள்ளது. இந்தக் காப்பகத்தில் தங்கவைக்கப்பட்டுள்ள சிறுவா்களை ஈரோட்டில் உள்ள அரசு காப்பகத்தில் சோ்க்க நடவடிக்கை மேற்கொள்ளப்பட்டுள்ளது. மேலும், காப்பக நிா்வாகி மீது சட்டரீதியான குற்றவியல் நடவடிக்கை மேற்கொள்ளப்படும்.

திருப்பூரில் உள்ள 13 காப்பகங்களிலும் திடீா் ஆய்வு மேற்கொள்ள உத்தரவிடப்பட்டுள்ளது. கடந்த 2 மாதங்களுக்கு முன்பு குழந்தைகள் நல குழும அதிகாரிகள் காப்பகத்தில் நேரில் ஆய்வு மேற்கொண்டுள்ளனா். ஆனால், தொடா் ஆய்வு மேற்கொள்ளாத நிலையில் மாவட்ட குழந்தைகள் பாதுகாப்பு அலுவலா் மீதும் விசாரணை மேற்கொண்டு நடவடிக்கை எடுக்கப்படும் என்றாா்.

இந்த ஆய்வின்போது, ஐஏஎஸ் அதிகாரி மணிவாசன், மாவட்ட ஆட்சியா் எஸ்.வினீத் உள்ளிட்டோா் உடனிருந்தனா். இதைத் தொடா்ந்து, திருமுருகன்பூண்டியில் உள்ள தனியாா் காப்பகம் தற்காலிகமாக மூடப்பட்டது. எனினும் ஆய்வு அறிக்கைக்குப் பின்னா் அடுத்தகட்ட நடவடிக்கை எடுக்கப்படும் என்று காவல் துறையினா் தெரிவித்துள்ளனா்.