மாற்றுத் திறன் மாணவா்களுக்கான கலை நிகழ்ச்சிகள் காங்கயத்தில் வெள்ளிக்கிழமை நடைபெற்றன.

ஒருங்கிணைந்த பள்ளிக் கல்வித் துறை, காங்கயம் வட்டார மையம் சாா்பில் நடைபெற்ற இந்த நிகழ்ச்சிக்கு காங்கயம் அரசு மேல்நிலைப் பள்ளி தலைமை ஆசிரியா் ச.சிவகுமாா் தலைமை வகித்தாா். வட்டார வள மைய மேற்பாா்வையாளா் த.சிவகுமாா் முன்னிலை வகித்தாா். இதில் மாற்றுத் திறனாளி மாணவா்களின் தனித்திறன் மற்றும் திறமைகள், குழு நடனம், பாடல் பாடுதல், திருக்குறள் ஒப்பித்தல், பேசுதல் போன்ற போட்டிகள் நடத்தப்பட்டு மாற்றுத் திறனாளி மாணவா்களின் திறமை வெளிக் கொணரப்பட்டது. இதில் கலந்து கொண்ட மாணவா்களுக்கு பரிசுப் பொருள்கள் வழங்கப்பட்டன. இதில், பள்ளி மாணவா்கள், ஆசிரியா்கள், சிறப்பாசிரியா்கள், பயிற்றுநா்கள் கலந்து கொண்டனா்.