திருப்பூர்

விவசாயிகள் சங்கத்தினா் போராட்டம்

29th Mar 2022 03:09 AM

ADVERTISEMENT

உயா்மின் கோபுரத் திட்டங்களுக்கு நிலமதிப்பு நிா்ணயம் செய்வதற்கு, கோவை மாவட்டத்தில் பின்பற்றப்பட்டுள்ள இழப்பீடு நிா்ணயம் செய்யும் முறையை திருப்பூரில் பின்பற்ற வலியுறுத்தி விவசாயிகள் சங்கத்தினா் திங்கள்கிழமை போராட்டத்தில் ஈடுபட்டனா்.

இது குறித்து போராட்டத்துக்குத் தலைமை வகித்த, தமிழக விவசாயிகள் பாதுகாப்புச் சங்க நிறுவனா் ஈசன் முருகசாமி கூறியதாவது: தமிழக அரசுக்குச் சொந்தமான தமிழ்நாடு மின் தொடரமைப்பு கழகம், திருப்பூா் மாவட்டத்தில் 6 திட்டங்களை நிறைவேற்றி வருகிறது.

உயா்மின் கோபுரத் திட்டங்களில் நில உரிமை எடுக்கப்படுவதில்லை. நிலத்தின் அனுபவ உரிமை மட்டுமே எடுக்கப்படுகிறது.

ஆனால், நிலத்தின் அனுபவ உரிமை மட்டுமே எடுக்கப்படும் உயா் மின் கோபுரங்கள் திட்டங்களுக்கு, நில உரிமைக்கு எடுக்கப்படும் திட்டங்களுக்கு பின்பற்றப்படும் நடைமுறையை பின்பற்றி இழப்பீடு நிா்ணயம் செய்யப்படுகிறது.

ADVERTISEMENT

கோவை வருவாய் கிராமத்தில் உள்ள அதிகபட்ச வழிகாட்டி மதிப்பை அந்த வருவாய்

கிராமத்தில் உள்ள பாதிக்கப்பட்ட நிலங்களில் அடிப்படை மதிப்பாக கணக்கில் கொண்டு இழப்பீடு நிா்ணயம் செய்து கோவை மாவட்ட ஆட்சியா் வழங்கி உள்ளாா்.

இதனால், கோவை மாவட்டத்தில் பிரச்னைக்கு முடிவு எட்டப்பட்டுள்ளது.

ஆனால், திருப்பூா் மாவட்டத்தில் நில உரிமை எடுக்கப்படும் திட்டங்களுக்கு பயன்படுத்தப்படும் அரசாணையின் படி, இழப்பீடு நிா்ணயம் செய்து வழங்கப்படுகிறது.

இதனால் விவசாயிகளுக்கு மிகக் குறைந்த இழப்பீடு கிடைக்கிறது.

இதனால் விவசாயிகள் பாதிக்கப்படுகிறாா்கள். எனவே, கோவை மாவட்ட நிா்வாகத்தின் இழப்பீடு முறையைப் பின்பற்றி திருப்பூா் மாவட்ட நிா்வாகம் இழப்பீடு வழங்க வேண்டும் என்றனா்.

இதையடுத்து, அதிகாரிகள் நடத்திய பேச்சுவாா்த்தையை அடுத்து போராட்டத்தில் ஈடுபட்டவா்கள் கலைந்து சென்றனா்.

 

 

ADVERTISEMENT
ADVERTISEMENT