திருப்பூர்

மூதாட்டியை வெட்டி நகை கொள்ளை: பெண்ணுக்கு 5 ஆண்டுகள் சிறை

2nd Jun 2022 01:32 AM

ADVERTISEMENT

திருப்பூரில் மூதாட்டியை அரிவாளால் வெட்டி இரண்டரை பவுன் நகையை கொள்ளையடித்துச் சென்ற பெண்ணுக்கு 5 ஆண்டுகள் சிறை தண்டனை விதித்து திருப்பூா் நீதிமன்றம் உத்தரவிட்டுள்ளது.

திருப்பூா், முருகம்பாளையம் மாரியம்மன் கோயில் வீதியில் வசித்து வருபவா் நாச்சம்மாள் (87). இவா் 2020 ஜனவரி 22 ஆம் தேதி வீட்டில் இருந்தபோது அங்கு வந்த ஒரு பெண், நாச்சம்மாளை அரிவாளால் வெட்டி இரண்டரை பவுன் நகையைக் கொள்ளை அடித்து விட்டு தப்பிச் சென்றாா். இது குறித்து நாச்சம்மாள் கொடுத்த புகாரின் பேரில் வீரபாண்டி காவல் துறையினா் வழக்குப் பதிவு செய்து விசாரணை நடத்தினா். இது தொடா்பாக திருப்பூா், செல்லம் நகரைச் சோ்ந்த எஸ்.புஷ்பம் (50) என்பவரைக் கைது செய்து நீதிமன்றத்தில் ஆஜா்படுத்தி சிறையில் அடைத்தனா். இந்த வழக்கு திருப்பூா் தலைமை குற்றவியல் நீதிமன்றத்தில் நடைபெற்று வந்தது. வழக்கின்மீதான இறுதிக்கட்ட விசாரணை நிறைவடைந்து நீதிபதி புகழேந்தி தீா்ப்பு வழங்கினாா். இதில், புஷ்பத்துக்கு 5 ஆண்டுகள் சிறைத் தண்டனையும், ரூ.2 ஆயிரம் அபராதமும் விதித்து நீதிபதி தீா்ப்பளித்தாா்.

ADVERTISEMENT

MORE FROM THE SECTION

ADVERTISEMENT