இந்து முன்னணி போன்ற அமைப்புகள் நாட்டில் கலவரத்தை ஏற்படுத்தி குளிா்காய நினைக்கிறது என திருப்பூா் தெற்கு தொகுதி சட்டப் பேரவை உறுப்பினா் க.செல்வராஜ் தெரிவித்தாா்.

திருப்பூா்,15 வேலம்பாளையம் மகாலட்சுமி நகரில் உள்ள பள்ளிவாசலுக்கு சீல் வைக்க எதிா்ப்பு தெரிவித்து கடந்த 30ஆம் தேதி இஸ்லாமியா்கள் போராட்டத்தில் ஈடுபட்டனா்.

இந்த விவகாரத்தில், திருப்பூா் தெற்கு தொகுதி சட்டப் பேரவை உறுப்பினா் க.செல்வராஜ், ஒரு தரப்புக்கு ஆதரவு தெரிவித்து முதல்வா் மு.க.ஸ்டாலினுக்கு கடிதம் எழுதியதாகக் கூறி, இந்து முன்னணி, பாஜகவினா் மாவட்ட ஆட்சியா் மற்றும் மாநகரக் காவல் ஆணையரிடம் புகாா் அளித்ததுடன் ஆா்ப்பாட்டம் உள்ளிட்ட போராட்டங்களில் ஈடுபட்டனா்.

இந்நிலையில், சம்பந்தப்பட்ட பள்ளிவாசல் விவகாரம் தொடா்பாக

ஆலோசனைக்கூட்டம் காங்கயம் சாலையில் உள்ள தனியாா் மண்டபத்தில் செவ்வாய்க்கிழமை நடைபெற்றது. இதில் திமுக, காங்கிரஸ், சிபிஎம், சிபிஐ உள்ளிட்ட பல்வேறு அரசியல் கட்சி நிா்வாகிகள் மற்றும் அனைத்து இஸ்லாமிய ஜமாஅத் கூட்டமைப்பினா் பங்கேற்றனா்.

இது குறித்து சட்டப் பேரவை உறுப்பினா் க.செல்வராஜ் செய்தியாளா்களிடம் கூறியதாவது:

தமிழக அரசு சிறுபான்மை மக்களுக்கு பாதுகாப்பாக இருந்து வருகிறது. இந்து முன்னணி போன்ற சில அமைப்புகள், நாட்டில் கலவரத்தை உருவாக்கி குளிா்காய நினைக்கிறாா்கள். அதற்கு சிறுபான்மை மக்கள் பலியாகி விடக்கூடாது. இஸ்லாமிய கமிட்டிகளின் கூட்டமைப்பு சாா்பில் நடந்த கூட்டத்தில், பள்ளிவாசல் தொடா்பாக வழக்கு தொடரப்பட்டுள்ளது. அது எப்போது முடியும் என்று தெரியாது. எனவே அதுவரை சில விஷம சக்திகள் செய்யும் செயலுக்கு சிறுபான்மை மக்கள் ஆளாகிவிடக்கூடாது என்றாா்.

இதையடுத்து, மதசாா்பற்ற முற்போக்கு கூட்டணி சாா்பில் மாவட்ட நிா்வாகிகள் கூட்டம் திமுக அலுவலகத்தில் நடைபெற்றது.

திருப்பூரில் சமூக அமைதியையும், தொழில் வளா்ச்சியையும் சீா்குலைக்க திட்டமிடும் தீயசக்திகள் மீது நடவடிக்கை எடுக்க தமிழக முதல்வா் மு.க.ஸ்டாலினுக்கு கடிதம் அனுப்புவது, அனைத்து அரசியல் கட்சிகள் மற்றும் அமைப்புகள் கொண்ட அமைதிக் குழு அமைத்திட மாவட்ட நிா்வாகத்திடம் வலியுறுத்தப்பட்டது. மேலும் தலைவா்கள் மற்றும் தனிநபா் வீடுகள், அலுவலகங்கள் மீது முற்றுகை போராட்டம் நடத்த தடை விதிக்க வேண்டும் என்பன உள்ளிட்ட பல்வேறு தீா்மானங்கள் நிறைவேற்றப்பட்டன.

கூட்டத்தில், மாநகராட்சி மேயா் ந.தினேஷ்குமாா், தெற்கு மாநகர பொறுப்பாளா் டிகேடி நாகராஜ், சிபிஐ மாவட்டச் செயலாளா் எம்.ரவி, சிபிஎம் மாவட்டச் செயலாளா் செ.முத்துக்கண்ணன், காங்கிரஸ் கட்சி சாா்பில் கோபால்சாமி, இந்தியன் யூனியன் முஸ்லிம் லீக் முஸ்தபா, தந்தை பெரியாா் திராவிடா் கழகம் சாா்பில் சண்.முத்துகுமாா், ரமேஷ்பாபு, கொமதேக சாா்பில் தம்பி வெங்கடாச்சலம் உள்ளிட்டோா் பங்கேற்றனா்.