திருப்பூர்

தாராபுரத்தில் சிஐடியூ சங்கத்தினா் ஆா்ப்பாட்டம்

6th Jul 2022 12:00 AM

ADVERTISEMENT

தாராபுரம் நகராட்சி நிா்வாகம், சாலையோர சிறு வியாபாரிகளிடம் சுங்க வசூல் செய்ய ஏலம் விடுவதை ரத்து செய்யக்கோரி சிஐடியூ சாா்பில் செவ்வாய்க்கிழமை ஆா்ப்பாட்டம் நடைபெற்றது.

தாராபுரம் தாலுகா பொது தொழிலாளா் சங்கம் (சிஐடியூ) சாா்பில் நடைபெற்ற ஆா்ப்பாட்டத்திற்கு கே.மேகவா்ணன் தலைமை வகித்தாா்.

கூட்டத்தில் அவா் பேசியதாவது:

தாராபுரம் நகரில் சாலையோர வியாபாரிகளிடம் தினசரி சுங்கம் வசூல் செய்ய நகராட்சி நிா்வாகம் முடிவு செய்துள்ளது. இந்த நடவடிக்கையானது ஏழை, எளிய சிறு வியாபாரிகளை கடுமையாக பாதிக்கும். ஆகவே சுங்க வசூல் நடவடிக்கையை ரத்து செய்யவேண்டும் என்றாா். செயலாளா் பி.பொன்னுசாமி, பொருளாளா் கோவிந்தராஜ், சங்க நிா்வாகிகள் சுப்பிரமணியன், ஆ.மணியன், மோகன் உள்ளிட்டோா் பங்கேற்றனா்.

ADVERTISEMENT

ADVERTISEMENT
ADVERTISEMENT