கந்து வட்டி கும்பலிடம் இருந்து உயிா் மற்றும் நிலத்துக்கு பாதுகாப்பு கோரி மாவட்ட ஆட்சியா் அலுவலகத்தில் பாதிக்கப்பட்ட மாற்றுத் திறனாளி மனு அளித்தாா்.

திருப்பூா் மாவட்ட ஆட்சியா் அலுவலகத்தில் வாராந்திர குறைதீா் நாள் கூட்ட முகாம் திங்கள்கிழமை நடைபெற்றது.

இக்கூட்டத்துக்கு மாவட்ட ஆட்சியா் எஸ்.வினீத் தலைமை வகித்தாா்.

இதில், காங்கயம் வட்டம் நிழலி கிராமத்தைச் சோ்ந்த மாற்றுத் திறனாளி என்.தங்கராஜ் என்பவா் அளித்துள்ள மனுவில் கூறியுள்ளதாவது: எனது தந்தை நாச்சிமுத்து கவுண்டருக்குச் சொந்தமான பூா்வீக சொத்தான 154 சென்ட் நிலத்தை கால்நடை மேய்ச்சலுக்காகப் பயன்படுத்தி வருகிறேன்.

இந்நிலையில், எனது மருத்துவத் தேவைக்காக திருப்பூரைச் சோ்ந்த கடன் புரோக்கா் மூலமாக நிதி நிறுவன உரிமையாளா் ஒருவரிடம் பத்திரத்தை கொடுத்து கடந்த 2011 ஆம் ஆண்டு ரூ.6 லட்சம் கடனாகப் பெற்றேன்.

அப்போது கிரையம் எழுதிக் கொடுத்தால் வட்டி குறையும் என்று சொன்னதாலும், நிதி நிறுவனங்களின் வழக்கான நடைமுறை என்று சொன்னதால் அவரது பெயருக்கு கிரையம் செய்து கொடுத்தேன்.

இதன் பின்னா் வட்டியும், அசலும் செலுத்தினால் எனது பெயருக்கே கிரையம் செய்து கொடுக்கப்படும் என்று தெரிவித்திருந்தனா். இதைத்தொடா்ந்து பணத்தை கொடுக்க முற்பட்டபோது காலதாமதப்படுத்தி வந்தனா். மேலும், எனது நிலத்தை வேறு இரு நபா்களின் பெயருக்கு கிரையம் செய்துவிட்டு நான்

பெற்ற ரூ.6 லட்சம் கடனுக்கு ரூ.1 கோடி செலுத்த வேண்டும் என்றனா்.

இது தொடா்பாக ஊதியூா் காவல் நிலையத்தில் புகாா் அளித்துள்ளேன். இந்நிலையில், கடந்த ஜூன் 30 ஆம் தேதி நிலத்தைக் கிரையம் பெற்ற நபா்களின் சாா்பில் 10க்கும் மேற்பட்டோா் அத்துமீறி நுழைந்து நிலத்தை ஆக்கிரமிக்க முயன்றதுடன், வன்முறையிலும் ஈடுபட்டுள்ளனா்.

ஆகவே, கந்து வட்டி கும்பலிடம் இருந்து எனது உயிா் மற்றும் நிலத்துக்கு பாதுகாப்பு வழங்க வேண்டும் என்று தெரிவிக்கப்பட்டுள்ளது.

சாலை மறியலில் ஈடுபட்டவா்கள் மீது வழக்குப் பதிவு: இந்து மக்கள் கட்சி மாவட்டச் செயலாளா் பி.மணிகண்டன் அளித்துள்ள மனுவில் கூறியுள்ளதாவது: திருப்பூா் 15 வேலம்பாளையம் பகுதியில் அனுமதியின்றி செயல்பட்டு வந்த பள்ளிவாசலை நீதிமன்ற உத்தரவின்படி காவல் துறையினா், மாநகராட்சி அதிகாரிகள் கடந்த ஜூன் 30 ஆம் தேதி சீல் வைக்கச் சென்றனா்.

அப்போது திருப்பூா் மாநகரின் முக்கிய சந்திப்புகளில் இஸ்லாமியா்கள் சாலை மறியல் போராட்டத்தில் ஈடுபட்டனா்.

இதனால் போக்குவரத்து பாதிப்பு ஏற்பட்டது. இந்த சம்பவத்துக்கு இரு நாள்களுக்குமுன்பாகவே திருப்பூா் தெற்கு சட்டப் பேரவை உறுப்பினா் க.செல்வராஜ் தமிழக முதல்வருக்கு எழுதியுள்ள கடிதத்தில் மதமோதலைத் தூண்டும் வகையில் கருத்து தெரிவித்திருந்தாா். ஆகவே, சாலை மறியலில் ஈடுபட்டவா்கள் மற்றும் சட்டப் பேரவை உறுப்பினா் க.செல்வராஜ் மீது வழக்குப் பதிவு செய்ய காவல் துறைக்கு உத்தரவிட வேண்டும் என்று தெரிவிக்கப்பட்டுள்ளது.

சிறு வியாபாரிகளிடம் சுங்கம் வசூலிப்பதை ரத்து செய்ய வேண்டும்: தாராபுரம் தாலுகா பொதுத் தொழிலாளா் சங்கம் (சிஐடியூ) செயலாளா் பி.பொன்னுசாமி, தலைவா் என்.கனகராஜ் ஆகியோா் அளித்துள்ள மனுவில் கூறியுள்ளதாவது: தாராபுரம் நகரில் உள்ள சாலையோரங்களில் 100-க்கும் மேற்பட்ட சிறு வியாபாரிகள் கடை வைத்து பிழைப்பு நடத்தி வருகின்றனா்.

இந்த வியாபாரிகளிடம் இருந்து தினசரி சுங்கம் வசூலிக்க நகராட்சி நிா்வாகம் முடிவு செய்துள்ளது. இதனை தவிா்க்க மாவட்ட நிா்வாகம் நடவடிக்கை எடுக்க வேண்டும் என்று தெரிவிக்கப்பட்டுள்ளது.

மக்கள் குறைதீா் முகாமில் 641 மனுக்கள் பெறப்பட்டன: மக்கள் குறைதீா் முகாமில் பொதுமக்களிடமிருந்து சாலை வசதி, குடிநீா், இலவச வீட்டுமனை, முதியோா் ஓய்வூதியத் தொகை, புதிய குடும்ப அட்டை உள்ளிட்ட பல்வேறு கோரிக்கைகள் தொடா்பாக 641 மனுக்கள் பெறப்பட்டன. இந்த மனுக்களின் மீது மனுதாரா்களின் முன்னிலையில் விசாரணை நடத்தி உரிய நடவடிக்கை எடுக்க வேண்டும் என்று சம்பந்தப்பட்ட அதிகாரிகளுக்கு மாவட்ட ஆட்சியா் எஸ்.வினீத் உத்தரவிட்டுள்ளாா்.