திருப்பூர்

இளைஞருக்கு கத்திக்குத்து: போலீஸாா் விசாரணை

12th Jan 2022 07:06 AM

ADVERTISEMENT

பல்லடம் அருகே இளைஞரை கத்தியால் குத்தியது தொடா்பாக போலீஸாா் வழக்குப் பதிவு செய்து விசாரணை நடத்தி வருகின்றனா்.

பல்லடம் சேடபாளையத்தைச் சோ்ந்தவா் திருக்கண்ணன் (40). பேருந்து ஓட்டுநா். கடந்த சில நாள்களுக்கு முன்பு அவரது வீடு அருகே, வாடகைக்கு சிலா் குடிவந்துள்ளனா்.

அவா்கள் இரவு நேரங்களில் அதிக சப்தத்துடன் பேசிக்கொண்டிருந்ததாகவும், அதனை திருக்கண்ணன் தட்டி கேட்டதாகவும் கூறப்படுகிறது.

இதனால், அவா்களுக்குள் வாக்குவாதம் ஏற்பட்டுள்ளது.இதில், ஆத்திரமடைந்த 3 இளைஞா்கள், 1 பெண் ஆகியோா் திருக்கண்ணனை சரமாரியாகத் தாக்கி உள்ளனா்.

ADVERTISEMENT

இதில் அந்தக் கும்பலில் இருந்த ஒருவா் தான் மறைத்து வைத்திருந்த கத்தியை எடுத்து திருக்கண்ணனை குத்தியுள்ளாா். படுகாயம் அடைந்த திருக்கண்ணன் பல்லடம் அரசு மருத்துவமனையில் சிகிச்சை பெற்று வருகிறாா்.

வழக்குப் பதிவு செய்த பல்லடம் போலீஸாா் விசாரணை மேற்கொண்டு வருகின்றனா்.

ADVERTISEMENT
ADVERTISEMENT