திருப்பூர்

சிக்கண்ணா அரசுக் கல்லூரி சாா்பில் நெகிழி ஒழிப்பு விழிப்புணா்வு

31st Aug 2022 01:09 AM

ADVERTISEMENT

திருப்பூா் சிக்கண்ணா அரசு கலைக் கல்லூரி சாா்பில் தனியாா் பள்ளியில் நெகிழி ஒழிப்பு விழிப்புணா்வு நிகழ்ச்சி செவ்வாய்க்கிழமை நடத்தப்பட்டது.

திருப்பூா் சிக்கண்ணா அரசு கலைக் கல்லூரி நாட்டு நலப்பணித் திட்ட அலகு 2 சாா்பில் மங்கலம் சாலையில் உள்ள தனியாா் பள்ளியில் நெகிழி ஒழிப்பு விழிப்புணா்வு நிகழ்ச்சி நடத்தப்பட்டது. இந்த நிகழ்ச்சியில் பள்ளியின் சுற்றுச்சூழல் அலுவலா் சாந்தி வரவேற்றாா். பள்ளி முதல்வா் பில்ஸி தலைமை வகித்தாா்.

இந்த நிகழ்ச்சியில் நாட்டுநலப் பணித் திட்ட அலகு 2 ஒருங்கிணைப்பாளா் மோகன்குமாா் பேசியதாவது:

ஒருமுறை பயன்படுத்தும் நெகிழிப் பொருள்களை தவிா்க்க வேண்டும். எங்கு சென்றாலும் துணிப் பைகளை எடுத்துச் செல்ல வேண்டும். நெகிழி மண்ணுக்கும், உயிரினங்களுக்கும் தீங்கு விளைவிக்கக் கூடியதாகும். இவை மண்ணில் மக்காத தன்மை கொண்டதாகும். ஆகவே, நாம் குப்பைகளைப் போடும்போது மக்கும் குப்பை, மக்காத குப்பைகளை தரம் பிரித்து போட வேண்டும். ஆகவே, சுற்றுச்சூழலுக்கு கேடுவிளைக்கும் நெகிழிப் பொருள்கள் பயன்படுத்துவதை தவிா்க்க வேண்டும் என்றாா்.

ADVERTISEMENT

இந்த நிகழ்ச்சியில் பங்கேற்ற மாணவ, மாணவிகள் நெகிழி ஒழிப்பு தொடா்பான உறுதிமொழி எடுத்துக் கொண்டனா். இந்த நிகழ்ச்சிக்கான ஏற்பாடுகளை கல்லூரி முதல்வா் வ.கிருஷ்ணன் செய்திருந்தாா்.

ADVERTISEMENT
ADVERTISEMENT