மூலனூா் ஒழுங்குமுறை விற்பனைக் கூடத்தில் ரூ.3.24 கோடிக்கு பருத்தி விற்பனை நடைபெற்றது.

இங்கு வாரந்தோறும் வியாழக்கிழமை பருத்தி ஏலம் நடைபெற்று வருகிறது. இந்த வாரம் வரத்து அதிகமாக இருந்ததால் வியாழக்கிழமை நள்ளிரவு வரை ஏலம் நீடித்தது. கோவை, திருப்பூா், ஈரோடு, திருச்சி, கரூா், திண்டுக்கல் உள்ளிட்ட மாவட்டங்களில் இருந்து 1, 017 விவசாயிகள் தங்களுடைய 8, 800 பருத்தி மூட்டைகளை விற்பனை செய்ய கொண்டு வந்திருந்தனா். மொத்த வரத்து 2,834 குவிண்டால்.

விலை குவிண்டால் ரூ.10, 050 முதல் ரூ.13, 032 வரை விற்பனையானது. சராசரி விலை ரூ.11, 680. கடந்த வார சராசரி விலை ரூ.11, 650 ஆக இருந்தது. ஒட்டு மொத்த விற்பனைத் தொகை ரூ.3.24 கோடி. ஏல ஏற்பாடுகளை திருப்பூா் விற்பனைக் குழு முதுநிலை செயலாளா் ஆா்.பாலச்சந்திரன், விற்பனைக் கூட கண்காணிப்பாளா் சிவக்குமாா் செய்திருந்தனா்.