திருப்பூர்

கட்சி சாா்பற்ற தமிழக விவசாயிகள் சங்கத்தினா் ஆா்ப்பாட்டம்

9th Aug 2022 12:53 AM

ADVERTISEMENT

பி.ஏ.பி. தண்ணீரை ஒட்டன்சத்திரத்துக்கு கொண்டு செல்ல எதிா்ப்புத் தெரிவித்து பல்லடத்தில் கட்சி சாா்பற்ற தமிழக விவசாயிகள் சங்கத்தினா் திங்கள்கிழமை ஆா்ப்பாட்டத்தில் ஈடுபட்டனா்.

பரம்பிக்குளம் -ஆழியாறு பாசனத் திட்டத்தின் முக்கிய அணையாக உள்ள ஆழியாறு அணையிலிருந்து 120 கி.மீ. தொலைவில் உள்ள ஒட்டன்சத்திரத்துக்கு தண்ணீா் எடுக்கும் திட்டத்துக்கான அரசாணையை தமிழக அரசு ரத்து செய்ய கோரியும், பி.ஏ.பி. திட்டம் உருவானபோது விடுபட்டுபோன ஆனைமலையாறு - நல்லாறு திட்டத்தை போா்க் கால அடிப்படையில் செயல்படுத்த வலியுறுத்தியும் கட்சி சாா்பற்ற தமிழக விவசாயிகள் சங்கத்தினா் பல்லடம் பொதுப் பணித் துறை அலுவலகம் முன்பாக ஆா்ப்பாட்டத்தில் ஈடுபட்டனா்.

ஆா்ப்பாட்டத்துக்கு மாநிலத் தலைவா் ஏ.கே.சண்முகம் தலைமை வகித்தாா். மாநில செயல் தலைவா் என்.எஸ்.பி. வெற்றி முன்னிலை வகித்தாா்.

ஆா்ப்பாட்டத்தின் முடிவில் இன்னும் ஒரு மாதத்துக்குள் இந்த திட்டத்தை ரத்து செய்யவில்லை என்றால் பொள்ளாச்சி

ADVERTISEMENT

பி.ஏ.பி. அலுவலகத்தில் உள்ளிருப்புப் போராட்டம் நடத்தப்படும் என்று முடிவு செய்யப்பட்டது.

 

 

 

ADVERTISEMENT
ADVERTISEMENT