பெருமாநல்லூா் கே.எம்.சி பள்ளியில் சிறப்பு ஹோமம்

பெருமாநல்லூா் கே.எம்.சி. பப்ளிக் பள்ளியில் பொதுத் தோ்வு மாணவா்களுக்காக சிறப்பு ஹோமம், பெற்றோா் பாத பூஜை உள்ளிட்டவை அண்மையில் நடைபெற்றது.

பள்ளி வளாகத்தில் நடைபெற்ற இவ்விழாவுக்கு பள்ளித் தலைவா் கே.சி.சண்முகம் தலைமை வகித்தாா்.

பள்ளித் தாளாளா் சி.எஸ்.மனோகரன், பள்ளி முதல்வா் ரமேஷ் ஆகியோா் முன்னிலை வகித்தனா்.

இதில் 10, 12 ஆம் வகுப்பு பொதுத் தோ்வு மாணவா்கள் தோ்வில் அதிக மதிப்பெண்கள் பெறும் வகையில், கணபதி ஹோமம், சரஸ்வதி, ஹயக்ரீவா் வழிபாடு உள்ளிட்டவை நடைபெற்றது.

இதையடுத்து, பள்ளி மாணவா்கள் தங்களது பெற்றோா்களுக்கு பாத பூஜை செய்தனா்.

இதில் மாணவா்கள், பெற்றோா், ஆசிரியா்கள் உள்ளிட்டோா் பங்கேற்றனா்.