திருப்பூரில் சட்டவிரோதமாக மது விற்பனை செய்த இளைஞரைக் காவல் துறையினா் கைது செய்தனா். அவரிடமிருந்து 48 மது பாட்டில்களையும் பறிமுதல் செய்தனா்.

திருப்பூரை அடுத்த மங்கலம் காவல் நிலைய எல்லைக்கு உள்பட்ட எம்.செட்டிபாளையம் பகுதியில் சிலா் சட்டவிரோதமாக மது விற்பனை செய்வதாக காவல் துறையினருக்குத் தகவல் கிடைத்தது. இந்தத் தகவலின்பேரில் மங்கலம் காவல் துறையினா் ரோந்துப் பணியில் ஈடுபட்டனா்.

அப்போது செட்டிபாளையத்தை அடுத்த குட்டைப் பகுதியில் மது விற்பனை செய்த அதே பகுதியைச் சோ்ந்த சத்தியமூா்த்தி (27) என்பவரைக் காவல் துறையினா் சனிக்கிழமை கைது செய்தனா். அவரிடமிருந்து 48 மது பாட்டில்களையும் காவல் துறையினா் பறிமுதல் செய்தனா்.