தாராபுரம் அருகே செவ்வாய்க்கிழமை நடைபெற்ற சிறப்பு கிராம சபைக் கூட்டத்துக்கு உறுப்பினா்கள் வராததால் பொதுமக்கள் அதிருப்தி அடைந்தனா்.

திருப்பூா் மாவட்டம், தாராபுரம் தாலுகா, கவுண்டச்சிபுதூா் ஊராட்சிக்கு உள்பட்ட அம்மாபட்டி பகுதியில் சிறப்பு கிராம சபைக் கூட்டம் செவ்வாய்க்கிழமை நடைபெறவுள்ளதாக கவுண்டச்சிபுதூா் ஊராட்சித் தலைவா் அறிவிப்பு செய்திருந்தாா். அதன்படி கவுண்டச்சிபுதூா் ஊராட்சிக்கு உள்பட்ட 30க்கும் மேற்பட்ட கிராம மக்களும் செவ்வாய்க்கிழமை காலை 10 மணிக்கு அம்மாபட்டியில் உள்ள அரசுப் பள்ளி வளாகத்துக்கு வந்தனா்.

அப்போது, பள்ளி வளாகம் முழுவதும் மழைநீா் தேங்கி இருந்ததால் பள்ளியின் எதிரே உள்ள சாலையோரத்தில் கிராம சபைக் கூட்டம் நடைபெற்றது. இதில், தமிழ் புலிகள் கட்சியின் மேற்கு மண்டல துணைச் செயலாளா் ஒண்டிவீரன் பேசியபோது, கடந்த பல ஆண்டுகளாக பாலசுப்பிரமணியா் நகா் பகுதியில் தாா் சாலை அமைப்பதில் ஊராட்சி நிா்வாகம் மெத்தனம் காட்டி வருவதாகப் புகாா் தெரிவித்தாா். அதற்கு பதிலளித்த ஊராட்சித் தலைவா் செல்வி ரமேஷ், தாா் சாலை அமைப்பதற்கான வழக்கு நீதிமன்றத்தில் உள்ளதால் வழக்கு முடிந்ததும் சாலை அமைக்கப்படும் என்றாா்.

இக்கூட்டத்துக்கு, ஊராட்சியில் உள்ள 9 வாா்டு உறுப்பினா்களில் 3 வாா்டு உறுப்பினா்கள் மட்டுமே வந்திருந்தனா். மேலும், ஊராட்சி நிா்வாகத்தால் பல லட்ச ரூபாய் முறைகேடு நடந்துள்ளதாகவும், பொதுமக்களின் அடிப்படைத் தேவைகள் எதையும் நிறைவேற்றாமல் ஊராட்சித் தலைவா் மெத்தனம் காட்டி வருவதாகவும் பொதுமக்கள் குற்றம்சாட்டினாா்.

ஜனவரி 26ஆம் தேதி நடைபெறவுள்ள கிராம சபைக் கூட்டத்துக்கு மாவட்ட ஆட்சியா், வருவாய்த் துறை அலுவலா்கள், கவுண்டச்சிபுதூா் ஊராட்சியின் அனைத்து வாா்டு உறுப்பினா்களையும் வரவழைக்க வேண்டும் என பொதுமக்கள் தெரிவித்தனா். மாவட்ட ஆட்சியா் வரவில்லை என்றால் ஜனவரி 26ஆம் தேதி நடைபெற உள்ள கிராம சபைக் கூட்டம் நடைபெறாது எனவும் தெரிவித்தனா். இறுதியாக தீா்மானங்கள் எதுவும் நிறைவேற்றப்படாமல் சிறப்பு கிராம சபைக் கூட்டம் முடிவடைந்தது.