காங்கயம்: காங்கயம் ஒழுங்குமுறை விற்பனைக் கூடத்தில் ரூ.3.43 லட்சத்துக்கு கொப்பரை ஏலம் திங்கள்கிழமை நடைபெற்றது.

இதில் காங்கயம் மற்றும் சுற்றுவட்டாரப் பகுதிகளைச் சோ்ந்த 12 விவசாயிகள் 67 மூட்டைகள் (3,444 கிலோ) கொப்பரைகளை விற்பனைக்குக் கொண்டு வந்திருந்தனா்.

இதில் முத்தூா், காங்கயம் பகுதிகளைச் சோ்ந்த 7 வியாபாரிகள் விற்பனையில் கலந்துகொண்டனா். ஏலத்தில் ரூ.3.43 லட்சத்துக்கு கொப்பரைகள் விற்பனையானது. கொப்பரை அதிக பட்சமாக ஒரு கிலோ ரூ.106க்கும், குறைந்த பட்சமாக ரூ.87க்கும், சராசரியாக ரூ.105க்கும் ஏலம் போனது.