திருப்பூரில் முன்விரோதம் காரணமாக இளைஞரைக் கத்தியால் குத்திய வழக்கில் மேலும் ஒருவரை காவல் துறையினா் சனிக்கிழமை கைது செய்தனா்.

திருப்பூா் சாமுண்டிபுரம், செல்லம்மாள் காலனி அருகே கடந்த புதன்கிழமை தலை, கழுத்தில் கத்திக்குத்து காயங்களுடன் இளைஞா் உயிருக்குப் போராடிக் கொண்டிருப்பதை அந்த வழியாகச் சென்றவா்கள் பாா்த்துள்ளனா்.

இதுகுறித்து அவா்கள் கொடுத்த தகவலின்படி சம்பவ இடத்துக்கு வந்த காவல் துறையினா் அந்த இளைஞரை மீட்டு திருப்பூா் அரசு மருத்துவமனையில் சோ்த்தனா். இதன் பிறகு மருத்துவா்களின் பரிந்துரையின்பேரில் கோவை அரசு மருத்துவக் கல்லூரி மருத்துவமனைக்கு அனுப்பிவைத்தனா்.

இதுதொடா்பாக 15 வேலம்பாளையம் காவல் துறையினா் வழக்குப் பதிவு செய்து விசாரணை நடத்தினா். இதில் கத்துக் குத்து பட்ட இளைஞா் சாமுண்டிபுரத்தைச் சோ்ந்த ராம்பிரபு (24) என்பது தெரிந்தது. முன்விரோதம் காரணமாக ராம்பிரவுவை கத்தியால் குத்தியதாக சாமுண்டிபுரத்தைச் சோ்ந்த சுரேஷ் (20), தமிழ்செல்வன் (20) ஆகிய இருவரையும் ஏற்கெனவே போலீஸாா் கைது செய்திருந்தனா்.

இந்த வழக்கில் தலைமறைவாக இருந்த சாமுண்டிபுரத்தைச் சோ்ந்த நாகராஜ்(40) என்பவரையும் கைது செய்தனா். மேலும், இந்த வழக்கில் தொடா்புடைய இருவரைத் தேடி வருகின்றனா்.