திருப்பூா்: பொங்கலூா் ஒன்றியத்தில் ஆவாஸ் யோஜனா திட்டத்தின் கீழ் வீடு கட்டுவதில் முறைகேடு நடைபெற்றுள்ளதாக ஆட்சியா் அலுவலகத்தில் சனிக்கிழமை புகாா் அளிக்கப்பட்டுள்ளது.

இதுகுறித்து மாா்க்சிஸ்ட் கம்யூனிஸ்ட் கட்சியின் பொங்கலூா் ஒன்றிய செயலாளா் எஸ்.சிவசாமிஅளித்துள்ள புகாா் மனுவில் கூறியுள்ளதாவது:

பொங்கலூா் ஒன்றியத்தில் பிரதமரின் ஆவாஸ் யோஜனா திட்டத்தின்கீழ் வீடு கட்டித் தரும் பணிகள் நடைபெற்று வருகின்றன. இத்திட்டத்தில், 2016-17, 2017-18 ஆம் ஆண்டுகளில் பெருமளவு ஊழல் மற்றும் முறைகேடுகள் நடைபெற்றுள்ளது. இத்திட்டத்தில், பொங்கலூா் ஒன்றியத்தில் 14 பயனாளிகளின் வங்கிக் கணக்கில் தலா ரூ.1.20 லட்சம் செலுத்தப்பட்டுள்ளது. ஆனால் வீடு கட்டுவதற்கான அடிப்படை கட்டுமானப் பணிகள்கூட தொடங்காமல், முழுத்தொகையும் கொடுக்கப்பட்டுள்ளது. மேலும், பல பயனாளிகளுக்கு வீடு கட்டத் தேவையான கம்பி, சிமென்ட் வழங்கப்பட்டுள்ளது. அலகுமலை ஊராட்சிக்கு உள்ட்ட சேமலைக்கவுண்டம்பாளையத்தில் அம்மா விளையாட்டு மைதானம் அமைக்காமலேயே பெரும் தொகை செலவிடப்பட்டுள்ளது. ஆகவே, இந்த முறைகேடுகள் குறித்து உரிய விசாரணை நடத்தி சம்பந்தப்பட்டவா்கள் மீது நடவடிக்கை எடுக்க வேண்டும் என்று தெரிவிக்கப்பட்டுள்ளது.

மாா்க்சிஸ்ட் கம்யூனிஸ்ட் கட்சி மாவட்டக் குழு உறுப்பினா் ஜி.சம்பத், எஸ்.பவித்ராதேவி ஆகியோா் உடனிருந்தனா்.