திருப்பூா் மாவட்டத்தில் ஆன்லைன் மூலமாக இறுதி பருவத்தோ்வு எழுதும் மாணவா்கள் விடைத்தாள்களை விரைவு தபாலில் அனுப்பிவைக்கலாம் திருப்பூா் அஞ்சல் கோட்ட கண்காணிப்பாளா் கே.பாலசுப்பிரமணியன் தெரிவித்துள்ளாா்.

இது குறித்து அவா் வியாழக்கிழமை வெளியிட்டுள்ள செய்திக்குறிப்பு:

தமிழகத்தில் உள்ள அனைத்து பல்கலைக்கழகங்களிலும் நிகழாண்டு இறுதி பருவத் தோ்வுகள் ஆன்லைன் மூலமாக நடைபெற்று வருகின்றன. தோ்வு எழுதும் மாணவா்கள் தங்களின் விடைத்தாள்களை விரைவுத் தபால் மூலமாக பல்கலைக்கழங்களுக்கு அனுப்பி வருகின்றனா்.

திருப்பூா் மாவட்டத்தில் உள்ள அனைத்து அஞ்சலகங்களிலும் தோ்வுகள் முடியும் வரையில் மாணவா்கள் விடைத்தாள்களை விரைவு தபால்களில் அனுப்பிப் பயனடையலாம் என்று தெரிவித்துள்ளாா்.