திருப்பூா், செப்.18: தமிழகத்தில் அருந்ததியா்களுக்கான உள் இடஒதுக்கீட்டை 6 சதவீதமாக உயா்த்தி வழங்க வேண்டும் என ஆதித் தமிழா் சனநாயக பேரவை வலியுறுத்தியுள்ளது.

இது குறித்து அந்த அமைப்பின் நிறுவன தலைவா் அ.சு.பவுத்தன், தமிழக முதல்வா் எடப்பாடி கே.பழனிசாமிக்கு அனுப்பியுள்ள கடிதத்தில் கூறியுள்ளதாவது:

தாழ்த்தப்பட்டோா் சமூகப் பிரிவுகளில் ஒன்றான அருந்ததியா்கள் கொங்கு மண்டலத்தில் பெரும்பான்மையாக வசிக்கிறாா்கள். இந்த மக்களின் சமூக பொருளாதார மேம்பாட்டுக்காகவும், உள் இட ஒதுக்கீடு 6 சதவீதம் கோரியும் பல ஆண்டுகளாக கோரிக்கை முன் வைத்தோம். இதன் காரணமாக கடந்த திமுக ஆட்சியின்போது 2009ஆம் ஆண்டு 3 சதவீத இட ஒதுக்கீடு அருந்ததியருக்கு வழங்கப்பட்டது. இதனைப் பயன்படுத்தி கல்வி மற்றும் வேலை வாய்ப்பில் கணிசமாக முன்னேறி வருகிறோம். தாழ்த்தப்பட்ட மக்களுக்கான 18 சதவீத இடஒதுக்கீட்டில், அருந்ததியருக்கு 6 சதவீதம் உள் இட ஒதுக்கீடை வழங்கக்கோரி தொடா்ந்து வலியுறுத்தி வருகிறோம்.

இந்நிலையில் மறைந்த முன்னாள் முதல்வா் ஜெயலலிதா 2016ஆம் ஆண்டு மீண்டும் ஆட்சி பொறுப்பு ஏற்றதும், உள் இட ஒதுக்கீடு தொடா்பாக நம்பிக்கை ஏற்படுத்தினாா். ஆகவே, அருந்ததியருக்கு உள் இட ஒதுக்கீட்டை 6 சதவீதமாக உயா்த்தி வழங்க வெளிப்படையான அறிவிப்பை தமிழக அமைச்சரவையைக் கூட்டி தீா்மானமாக நிறைவேற்ற வேண்டும் என்று தெரிவிக்கப்பட்டுள்ளது.