கிராமப்புற மற்றும் நகா்ப்புற பகுதிகளிலுள்ள விளையாட்டு வீரா்களின் திறமைகளை மேம்ப டுத்த தமிழக அரசு பல்வேறு நடவடிக்கைகளை எடுத்து வருவதாக கால்நடை பராமரிப்புத் துறை அமைச்சா் உடுமலை கே.ராதாகிருஷ்ணன் தெரிவித்தாா்.

தேசிய பள்ளிகள் கூட்டமைப்பு சாா்பில் சத்தீஸ்கா் மாநிலத்தில் நடைபெற்ற 64ஆவது விளையாட்டுப் பேட்டிகளில் கலந்து கொண்டு பதக்கம் பெற்ற திருப்பூா் மாவட்டத்தைச் சோ்ந்த மாணவ, மாணவிகளுக்கு ஊக்கத் தொகைகள் மற்றும் சான்றிதழ்கள் வழங்கும் விழா உடுமலை ஏரிப்பாளையத்தில் புதன்கிழமை நடை பெற்றது.

இதில் தமிழ்நாடு விளையாட்டு மேம்பாட்டு ஆணையத்தின் சாா்பில் தங்கப் பதக்கம் பெற்றவா்களுக்கு ரூ.2 லட்சம், வெள்ளிப் பதக்கம் பெற்றவா்களுக்கு 1.50 லட்சம், வெண்கலப் பதக்கம் பெற்றவா்களுக்கு ரூ.1 லட்சம் என 10 மாணவ, மாணவிகளுக்கு பதக்கங்கள் மற்றும் பரிசுத் தொகைகளுக்கான காசோலைகளை வழங்கி அமைச்சா் உடுமலை ராதாகிருஷ்ணன் பேசியதாவது:

கிராமப்புற மற்றும் நகா்ப்புற பகுதிகளில் உள்ள மாணவ, மாணவிகள் மற்றும் இளைஞா்களிடம் உள்ள திறமைகளைக் கண்டறிந்து அதனை மேம்படுத்த தமிழக அரசு பல்வேறு முயற்சிகளை எடுத்து வருகிறது. மேலும் வட்டார, மண்டல, மாநில அளவில் பல்வேறு விளையாட்டுப் போட்டிகளை நடத்தி, அதில் வெற்றி பெறும் வீரா்களுக்கு தனி நபா் பரிசுகள் வழங்கப்படுகின்றன.

மனித வளத்தை மேம்படுத்தும் நோக்கத்துடன் இளைஞா் நலன் மற்றும் விளையாட்டு மேம்பாட்டுத் துறை செயல்பட்டு வருகிறது. மேலும் சமுதாயப் பணிக்காக அா்ப்பணிப்புப் பண்புகளை இளைஞா்களிடம் வளா்ப்பதே இந்தத் துறையின் முக்கிய குறிக்கோளாகும் என்றாா்.

முன்னதாக உடுமலை அரசு மருத்துவமனையில் தமிழக அரசால் ஒதுக்கப்பட்ட 5 அவசர கால ஆம்புலன்ஸ் ஊா்தி களின் சேவையை அமைச்சா் கே.ராதாகிருஷ்ணன் கொடியசைத்து துவக்கிவைத்தாா்.

மாவட்ட ஆட்சியா் க.விஜயகாா்த்திகேயன், பொது சுகாதாரத் துறை இணை இயக்குநா் பாக்கியலட்சுமி, துணை இயக்குநா் ஜெகதீசன், மாவட்ட ஆவின் நிறுவனத் தலைவா் மனோகரன் மற்றும் துறை அதிகாரிகள், அதிமுக நிா்வாகிகள் பலா் கலந்து கொண்டனா்.