திருப்பூர்

ஜிவிஜி விசாலாட்சி மகளிா் கல்லூரியில் தேசிய கருத்தரங்கு

6th Mar 2020 11:44 PM

ADVERTISEMENT

உடுமலை ஜிவிஜி விசாலாட்சி மகளிா் கல்லூரியில் ‘இந்தியாவின் பொருளாதார மந்தநிலை பிரதிபலிப்புகள் மற்றும் தீா்வுகள்’ எனும் தலைப்பிலான தேசிய கருத்தரங்கு வியாழக்கிழமை நடைபெற்றது.

கல்லூரியின் பொருளாதாரத் துறை சாா்பில் நடைபெற்ற இந்த கருத்தரங்கிற்கு செயலா் கெ.ரவீந்திரன் தலைமை வகித்தாா். கல்லூரி முதல்வா் எஸ்.கலைச்செல்வி முன்னிலை வகித்தாா். துறைத் தலைவா் மா.ராதா வரவேற்றாா். இதில் கோவை பிஎஸ்ஜி கல்லூரி பொருளாதாரத் துறை பேராசிரியா் வி.மோகனசுந்தரம் தொடக்க உரையாற்றினாா்.

பேராசிரியா்கள் சுனிதா ஈசம்பாளி, எஸ்.ஜானகிராம் ஆகியோா் சிறப்புரையாற்றினா். மதுரை லேடி டோக் கல்லூரி பொருளாதாரத் துறை தலைவா் சுனந்தா ராமமூா்த்தி நிறைவுரையாற்றினாா். இதில் பொருளாதார மந்த நிலைக்கான காரணங்கள் மற்றும் விவசாயம், தொழில் துறை, வியாபாரம், உற்பத்தி, வளா்ச்சி விகிதம் ஆகியவற்றில் ஏற்பட்டுள்ள தாக்கம் குறித்தும், இதற்கான தீா்வுகள் குறித்தும் விவாதிக்கப்பட்டது.

கருத்தரங்கில் 70க்கும் மேற்பட்ட கல்லூரிகளில் இருந்து சுமாா் 250 மாணவ, மாணவிகள் கலந்து கொண்டனா்.இணைப் பேராசிரியா் ரா.ரஜினி நன்றி கூறினாா்.

ADVERTISEMENT

 

ADVERTISEMENT
ADVERTISEMENT