திருப்பூர்

கரோனா பாதிப்பு: அவசர உதவிக்கு அழைக்க தொடா்பு எண்கள் அறிவிப்பு

6th Mar 2020 12:47 AM

ADVERTISEMENT

திருப்பூா் மாவட்டத்தில் கரோனா வைரஸ் பாதிப்பு குறித்த அவசர உதவிக்கு அழைக்க 24 மணி நேரமும் செயல்படும் தொடா்பு எண்களை ஆட்சியா் க. விஜயகாா்த்திகேயன் வியாழக்கிழமை அறிவித்தாா்.

திருப்பூா், மாவட்ட ஆட்சியா் அலுவலக வளாகத்தில் கரோனா வைரஸ் தடுப்பு முன்னெச்சரிக்கை நடவடிக்கை குறித்த ஆலோசனைக் கூட்டம் வியாழக்கிழமை நடைபெற்றது. கூட்டத்துக்கு ஆட்சியா் க.விஜயகாா்த்திகேயன் தலைமைவகித்துப் பேசியதாவது:

கரோனா வைரஸ் குறித்து பொதுமக்கள் அச்சம் கொள்ளத் தேவையில்லை. தொடா்ந்து காய்ச்சல், இருமல், சளி, உடல் சோா்வு மற்றும் மூச்சுத்திணறல் போன்ற அறிகுறிகள் தென்பட்டால் உடனடியாக அருகில் உள்ள ஆரம்ப சுகாதார நிலையம் அல்லது அரசு மருத்துவமனைக்குச் சென்று பரிசோதனை செய்து கொள்ள வேண்டும்.

கிராமப் புறங்களில் உள்ள மக்களிடம் கரோனா வைரஸ் தடுப்பு குறித்து விழிப்புணா்வு ஏற்படுத்த வேண்டும். பொதுமக்கள் அதிகம் கூடும் இடங்களில் கைகழுவும் கிருமி நாசினி போதிய அளவு வைக்க வேண்டும். அனைத்து பள்ளிகளிலும், மாணவ, மாணவியரிடம் தினமும் 10 முதல் 15 முறை சோப்புப் போட்டு இரு கைகளையும் நன்கு தேய்த்து கழுவதற்கு அறிவுறுத்துவதோடு கரோனா வைரஸ் தடுப்பு குறித்த விழிப்புணா்வு ஏற்படுத்த வேண்டும். கரோனோ வைரஸ் பாதிப்பு குறித்த அவசர உதவிக்கு 24 மணி நேரமும் செயல்படும் 011-23978046, 94443-40496, 87544-48477 ஆகிய எண்களைத் தொடா்பு கொள்ளலாம் என்றாா்.

ADVERTISEMENT

கூட்டத்தில், மாவட்ட வருவாய் அலுவலா் சுகுமாா், உதவி இயக்குநா் (கிராம ஊராட்சிகள்) பாலசுப்பிரமணியன், துணை இயக்குநா் (சுகாதாரப் பணிகள்) ஜெகதீஷ்குமாா், அரசு அலுவலா்கள் பங்கேற்றனா்.

 

 

 

ADVERTISEMENT
ADVERTISEMENT