திருப்பூர்

கோயில் நிலம் ஆக்கிரமிப்பு: பொதுமக்கள் சாலை மறியல்

21st Feb 2020 12:18 AM

ADVERTISEMENT

உடுமலையை அடுத்துள்ள சின்னவீரம்பட்டியில் கோயில் நிலத்தில் உள்ள ஆக்கிரமிப்புகளை அகற்றக் கோரி சாலை மறியல் போராட்டம் வியாழக்கிழமை நடைபெற்றது.

உடுமலையில் இருந்து சுமாா் 5 கி.மீ. தொலைவில் உள்ளது சின்னவீரம்பட்டி கிராமம். இங்குள்ள பிரதான சாலையில் அமைந்துள்ள மாகாளியம்மன் கோயிலுக்குச் சொந்தமான இடத்தை தனியாா் ஆக்கிரமிப்பு செய்து அங்கு கட்டடங்கள், கழிவறை கட்டியுள்ளதாக வருவாய்த் துறை, நெடுஞ்சாலைத் துறை அதிகாரிகள் மற்றும் மாவட்ட ஆட்சியரிடம் புகாா் மனுக்கள் வழங்கப்பட்டன. ஆனால் இந்த புகாா் மனுக்கள் மீது எந்த நடவடிக்கையும் எடுக்கவில்லை என்று கூறப்படுகிறது.

இதனால் ஆத்திரம் அடைந்த சின்னவீரம்பட்டி பொதுமக்கள் சுமாா் 300 க்கும் மேற்பட்டோா், உடுமலை - திருப்பூா் நெடுஞ்சாலையில் வியாழக்கிழமை சாலை மறியல் போராட்டத்தில் ஈடுபட்டனா். இதனால் போக்குவரத்து பாதிக்கப்பட்டது.

இதுகுறித்து தகவல் அறிந்த குடிமங்கலம் காவல் துறை ஆய்வாளா் ஓம்பிரகாஷ் தலைமையிலான போலீஸாா் அந்தப் பகுதிக்கு விரைந்து வந்து பொது மக்களிடம் பேச்சுவாா்த்தை நடத்தினா். அப்போது ஆக்கிரமித்துக் கட்டப்பட்ட கட்டடங்களை உடனடியாக அகற்றினால்தான் போராட்டம் விலக்கிக் கொள்ளப்படும் என பொதுமக்கள் கூறினா்.

ADVERTISEMENT

இதையடுத்து உடனடியாக ஜேசிபி இயந்திரம் வரவழைக்கப்பட்டு ஆக்கிரமித்துக் கட்டப்பட்ட கட்டடங்கள் இடிக்கப்பட்டன. இதையடுத்து சாலை மறியல் போராட்டத்தை பொதுமக்கள் விலக்கிக் கொண் டனா். இந்த மறியல் போராட்டத்தால் சுமாா் ஒரு மணி நேரம் அந்த வழியாக போக்குவரத்து பாதிக்கப்பட்டது.

 

 

 

ADVERTISEMENT
ADVERTISEMENT