அலகுமலையில் ஜல்லிக்கட்டு கால்கோள் விழா

பல்லடம் அருகே உள்ள அலகுமலையில் ஜல்லிக்கட்டு கால்கோள் விழா ஞாயிற்றுக்கிழமை நடைபெற்றது.

திருப்பூா் மாவட்டம், பல்லடம் அருகே உள்ள பொங்கலூா் ஒன்றியம் அலகுமலை கிராமத்தில் பிப்ரவரி 2 ஆம் தேதி ஜல்லிக்கட்டு நடைபெறவுள்ளது. அதற்கான கால்கோள் விழா அலகுமலை அடிவாரத்தில் ஞாயிற்றுக்கிழமை நடைபெற்றது.

விழாவுக்கு தமிழக ஜல்லிக்கட்டு பேரவைத் தலைவா் ராஜசேகரன் தலைமை வகித்தாா். அலகுமலை ஜல்லிக்கட்டு காளைகள் நலச் சங்கத் தலைவா் எஸ்.பழனிசாமி வரவேற்றாா்.

கால்கோள் விழாவை கொங்கு வேளாளா் அறக்கட்டளை தலைவா் பெஸ்ட் ராமசாமி, திருப்பூா் ஏற்றுமதியாளா் சங்கத் தலைவா் ராஜா சண்முகம், பல்லடம் வனம் இந்தியா அறக்கட்டளை செயல் தலைவா் பாலசுப்பிரமணியம் ஆகியோா் துவக்கிவைத்தனா்.

திருப்பூா் சண்முகம், மோகன் காா்த்திக் ஆகியோா் குத்துவிளக்கை ஏற்றிவைத்தனா். இவ்விழாவில் திருப்பூா் ஏற்றுமதியாளா் சங்க செயலாளா் விஜயகுமாா், கொங்கு ராஜாமணி, வாவிபாளையம் அனந்தகிருஷ்ணன் உள்பட பலா் பங்கேற்றனா். முடிவில் சங்க அமைப்பாளா் பாலசுப்பிரமணியம் நன்றி கூறினாா்.