நீலகிரி

கூடலூரில் டாஸ்மாக் கடையின் பூட்டை உடைத்து ரூ.1.91 லட்சம் திருட்டு

DIN

கூடலூா் காழம்புழா பகுதியில் உள்ள டாஸ்மாக் கடையின் பூட்டை உடைத்து ரூ.1 லட்சத்து 91 ஆயிரத்தை மா்ம நபா்கள் திருடிச் சென்றனா்.

நீலகிரி மாவட்டம், கூடலூா் காழம்புழா பகுதியிலுள்ள டாஸ்மாக் கடையை ஊழியா்கள் சனிக்ழமை இரவு வழக்கம்போல, பூட்டிவிட்டு சென்றனா். பின்னா் தைப்பூசம் மற்றும் வள்ளலாா் தினத்தையொட்டி ஞாயிற்றுக்கிழமை டாஸ்மாக் கடைகளுக்கு விடுமுறை அளிக்கப்பட்டிருந்தது.

இதையடுத்து, வழக்கம்போல திங்கள்கிழமை ஊழியா்கள் கடையை திறந்தபோது, கடையில் இருந்த லாக்கரை உடைத்து அதில் வைக்கப்பட்டிருந்த ரூ. 1 லட்சத்து 91 ஆயிரத்தை மா்ம நபா்கள் திருடிச் சென்றது தெரியவந்தது.

இதில் கடையின் பின் கதவின் பூட்டை உடைத்து மா்ம நபா்கள் உள்ளே நுழைந்து பணத்தை திருடிச் சென்றது தெரியவந்தது. இது குறித்து ஊழியா்கள் அளித்த புகாரின்பேரில் கூடலூா் போலீஸாா் வழக்குப் பதிவு செய்து விசாரணை நடத்தி வருகின்றனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

ஊத்தங்கரை அதியமான் பப்ளிக் பள்ளியில் மழலையா் பட்டமளிப்பு விழா

ஒசூரில் கந்து வட்டி வசூலித்த தனியாா் நிறுவன அதிகாரி கைது

கிருஷ்ணகிரி காங்கிரஸ் வேட்பாளா் கே.கோபிநாத் மீது வழக்குப் பதிவு

8 லட்சம் வாக்குகள் பெற இலக்கு: பாஜக வேட்பாளா் பேச்சு

கிருஷ்ணகிரி மக்களவைத் தொகுதியில் 6 வேட்பாளா்களின் மனுக்கள் தள்ளுபடி

SCROLL FOR NEXT