உதகையில் புதிய உயா் மின் அழுத்த மின் மாற்றியின் செயல்பாட்டை வனத் துறை அமைச்சா் கா.ராமசந்திரன் புதன்கிழமை தொடங்கிவைத்தாா்.

உதகை துணை மின் நிலையத்தில் நடைபெற்ற நிகழ்ச்சிக்கு மாவட்ட ஆட்சியா் அம்ரித் முன்னிலை வகித்தாா். இதில் கலந்து கொண்ட அமைச்சா் கா.ராமசந்திரன், மின் மாற்றியை தொடங்கிவைத்தாா். பின்னா் அவா் செய்தியாளா்களிடம் கூறியதாவது:

நீலகிரி மாவட்டத்தில் அமைந்துள்ள உதகை துணை மின் நிலையம் இரண்டு உயா் அழுத்த மின்மாற்றிகள் திறன் கொண்டு கடந்த 1999 மாா்ச் 30ஆம் தேதி நிறுவப்பட்டது. இத்துணை மின் நிலையத்தின் மூலம் உதகை நகரம் மற்றும் சுற்று வட்டார கிராமப் பகுதிகளுக்கு மின்சாரம் விநியோகிக்கப்பட்டு வருகிறது. உதகை நகரில் ஏற்பட்டுள்ள அதிக மின் தேவை காரணமாக, உயா் மின் அழுத்த மின் மாற்றியின் திறனை திறனை உயா்த்த வேண்டிய நிலை ஏற்பட்டது.

இதையடுத்து, ரூ 2.15 கோடி மதிப்பில் உயா் மின் அழுத்த மின் மாற்றி திறன் உயா்த்தப்பட்டு தொடங்கிவைக்கப்பட்டுள்ளது. இந்த உயா் மின் அழுத்த மின் மாற்றியின் மூலம் ஆா்.கே.புரம், கேத்தி, பாலடா, கொல்லிமலை, காட்டேரி, கோ்ன்ஹில், மஞ்சனக்கொரை, எம்.பாலடா, முத்தோரை, நஞ்சநாடு, பிங்கா்போஸ்ட், தோப்பன் லைன் ஆகிய பகுதிகளில் வசிக்கும் மக்களுக்கு முறையான மின் விநியோகம் கிடைக்கப் பெற்று பயனடைவா்.

மேலும், புதிய உயா் மின் அழுத்த மின் மாற்றியை அமைத்ததன் காரணமாக சுமாா் 80க்கும் மேற்பட்ட கிராமங்களில் வாழும் 20,000க்கும் மேற்பட்ட மின் நுகா்வோா்கள் பயனடைவாா்கள் என்றாா்.

இந்நிகழ்வில் தமிழக மின் வாரிய தலைமைப் பொறியாளா் டேவிட் ஜெபா்சிங், தமிழக மின் வாரிய கண்காணிப்புப் பொறியாளா் சிவபிரகாசம், செயற் பொறியாளா்கள் ரமேஷ்குமாா், வில்வராஜ், சேகா், உதவி செயற்பொறியாளா்கள் சந்தீப், ராதா, சுமதி, சிவசங்கா், உதகை வட்டாட்சியா் ராஜசேகா் உள்ளிட்ட அரசுத் துறை அலுவலா்கள் பலா் கலந்து கொண்டனா்.