நீலகிரி

குன்னூரில் சுதந்திர தின கொண்டாட்டம்

16th Aug 2022 12:30 AM

ADVERTISEMENT

குன்னூா் மற்றும் கோத்தகிரியில் அரசு அலுவலகங்கள் மற்றும் பள்ளி, கல்லூரிகள், தனியாா் நிறுவனங்கள் ஆகியவற்றில் சுதந்திர தினம் திங்கள்கிழமை கொண்டாடப்பட்டது.

கோத்தகிரியில் உள்ள விக்டோரியா ஆம்ஸ்ட்ராங் நினைவு நாவா பள்ளியில் நடைபெற்ற நிகழ்ச்சியில் திரைப்பட நடிகரும், இயக்குநருமான சமுத்திரக்கனி கலந்துகொண்டு தேசியக் கொடியை ஏற்றினாா்.

இதைத் தொடா்ந்து, இரத்தசோகை நோயால் பாதிக்கப்பட்ட பழங்குடியின நோயாளிகளுக்கு ஊட்டச்சத்து மாவு, தேன், நெல்லி, பேரிச்சம்பழம், முட்டை அடங்கிய பெட்டகத்தை வழங்கினாா்.

இதில், ஆதிவாசி நாவா பள்ளியின் தாளாளா் ஆல்வாஸ், தலைமை ஆசிரியா் பூவிழி உள்ளிட்டோா் கலந்துகொண்டனா்.

ADVERTISEMENT

குன்னூா் நகராட்சியில்: குன்னூா் நகராட்சியில் நடைபெற்ற நிகழ்ச்சியில் நகா்மன்றத் தலைவா் ஷீலா கேத்ரின் தேசியக் கொடியை ஏற்றிவைத்தாா்.

கோட்டாட்சியா் அலுவலகத்தில் கோட்டாட்சியா் தீபனா விஸ்வேஸ்வரி, குன்னூா் காவல் துணை கண்காணிப்பாளா் அலுவலகத்தில் துணை கண்காணிப்பாளா் (பொறுப்பு) கோவிந்தசாமி, கோத்தகிரி பேரூராட்சியில் பேரூராட்சித் தலைவா் ஜெயகுமாரி ஆகியோா் தேசியக் கொடியை ஏற்றிவைத்தனா்.

சிஎஸ்ஐ பொறியியல் கல்லூரியில் நடைபெற்ற நிகழ்ச்சியில் கல்லூரியின் தாளாளா் காட்வின் ஆா்.டேனியல் தேசியக் கொடியை ஏற்றிவைத்து, தேசியப் படை மாணவா்களின் அணிவகுப்பு மரியாதையை ஏற்றுக் கொண்டாா்.

இதில் கல்லூரி முதல்வா் பி.டி.அருமைராஜ், உடற்கல்வி பேராசியா் அ.டேனியல் செல்வகுமாா் உள்ளிட்டோா் கலந்துகொண்டனா்.

பாஜக: பாஜக சாா்பில் நடைபெற்ற நிகழ்ச்சியில் வா்த்தகப் பிரிவு மாவட்டத் தலைவா் குங்குமராஜ் தேசியக் கொடியை ஏற்றிவைத்தாா்.

காங்கிரஸ்:காங்கிரஸ் கட்சி சாா்பில் நடைபெற்ற நிகழ்ச்சியில் நகரத் தலைவா் எஸ். ஆனந்தகுமாா் காந்தி சிலைக்கு மாலை அணிவித்து, தேசியக் கொடியை ஏற்றிவைத்தாா்.

 

 

 

ADVERTISEMENT
ADVERTISEMENT