நீலகிரி

உதகையில் பூா்வீக குடிகள் தினம் அனுசரிப்பு

9th Aug 2022 12:46 AM

ADVERTISEMENT

நீலகிரி மாவட்டத்தில் வனத் துறை சாா்பில் சா்வதேச பூா்வீக குடிகளின் தினத்தினை முன்னிட்டு அனைத்து பழங்குடியின மக்களின் குறை கேட்பு கூட்டம் வனத் துறை அமைச்சா் கா.ராமசந்திரன் தலைமையில் நடைபெற்றது.

இக்கூட்டத்தில் வனத் துறை அமைச்சா் கா.ராமசந்திரன் பேசியதாவது: நீலகிரி மாவட்டத்தில் அனைத்து கிராமங்களிலும் பழங்குடியின மக்கள் வசித்து

வருகின்றனா். தமிழக முதல்வரின் உத்தரவின்படி, பூா்வீக பழங்குடியின மக்கள் மற்றும் தலைவா்களை அழைத்து அவா்களின் குறைகளைக் கேட்டறிந்து, அவற்றை நிவா்த்தி செய்யும் வகையில் பல்வேறு கோரிக்கைகள் அடங்கிய மனுக்கள் பெறப்பட்டுள்ளன.

இம்மனுக்களின் மீது விரைந்து நடவடிக்கை மேற்கொள்ள வேண்டுமென சம்பந்தப்பட்ட துறை அலுவலா்களுக்கு அறிவுறுத்தப்பட்டுள்ளது.

ADVERTISEMENT

கடந்த ஆண்டு பழங்குடியின கிராமங்களுக்கு ரூ.16 கோடி மதிப்பில் வளா்ச்சித் திட்ட பணிகள் செயல்படுத்தப்பட்டுள்ளன.

பழங்குடியின மக்களுக்குத் தேவையான அடிப்படை வசதிகளான குடிநீா், சாலை வசதி, வாகன வசதி, மின் வசதி போன்றவற்றை செயல்படுத்தவும்,

அனைவருக்கும் வீடு வழங்கும் திட்டத்தின்கீழ் வீடு வழங்கவும், அனைத்து குழந்தைகளும் பள்ளி செல்வதற்குத் தேவையான அனைத்து நடவடிக்கைகளும் மேற்கொள்ளப்பட்டு வருகின்றன என்றாா்.

முன்னதாக, வனத் துறை அமைச்சா் தோடா பால் மலா் சுய உதவிக்குழுவுக்கு ரூ.2 லட்சமும், வானிலா சுய உதவிக் குழுவுக்கு ரூ.1 லட்சத்துக்கான காசோலையினையும், பல்வேறு நிகழ்வுகளில் சிறப்பாக திகழ்ந்த 33 பழங்குடியின நபா்களுக்கு பாராட்டுச் சான்றிதழ்களையும் வழங்கினாா்.

இந்நிகழ்ச்சியில், முதுமலை புலிகள் காப்பக கள இயக்குநா் வெங்கடேஷ், மாவட்ட வன அலுவலா்கள் சச்சின் போஸ்லே துக்காராம், கொம்மு ஓம்காரம் , சிறப்பு பகுதி மேம்பாட்டு திட்ட இயக்குநா் மோனிகா ரானா , துணை இயக்குநா்கள் உள்ளிட்டோா் கலந்துகொண்டனா்.

 

 

 

ADVERTISEMENT
ADVERTISEMENT