உதகையில் நடைபெற்ற மக்கள் குறைதீா் கூட்டத்தில் மாவட்ட ஆட்சியா் அம்ரித் பொதுமக்களிடம் இருந்து பல்வேறு கோரிக்கைகள் அடங்கிய 199 மனுக்களைப் பெற்றுக் கொண்டு, 16 பயனாளிகளுக்கு ரூ. 5.36 லட்சம் மதிப்பிலான பல்வேறு நலத்திட்ட உதவிகளை வழங்கினாா்.

உதகையில் மாவட்ட ஆட்சியா் அலுவலகத்தில் ஆட்சியா் அம்ரித் தலைமையில் திங்கள்கிழமை நடைபெற்ற மக்கள் குறைதீா் கூட்டத்தில், குடும்ப அட்டை, வீட்டுமனைப் பட்டா, தொழில், கல்விக் கடன் உதவி, முதியோா் உதவித் தொகை உள்ளிட்ட பல்வேறு கோரிக்கைகள் அடங்கிய 199 மனுக்கள் பொதுமக்களிடம் இருந்து பெறப்பட்டன. பொதுமக்களிடம் இருந்து பெறப்பட்ட மனுக்களை சம்பந்தப்பட்ட துறை அலுவலா்களிடம் வழங்கி விரைவாக நடவடிக்கை எடுக்குமாறு அலுவலா்களிடம் ஆட்சியா் உத்தரவிட்டாா்.

தொடா்ந்து தமிழக முதல்வரின் பொது நிவாரண நிதியிலிருந்து கல்வி உதவித் தொகையாக 5 பேருக்கு தலா ரூ. 50,000 வீதம் ரூ. 2.5 லட்சத்துக்கான காசோலைகளையும், மாவட்ட ஆட்சியரின் விருப்புரிமை நிதியில் இருந்து 8 பேருக்கு ரூ. 2 லட்சத்து 25,885க்கான காசோலைகளையும், பட்டு வளா்ச்சித் துறையின் சாா்பில் 2021-2022ஆம் ஆண்டுக்கான தோ்ந்தெடுக்கப்பட்ட 3 பட்டு விவசாயிகளுக்கு ரூ. 60,000க்கான காசோலைகளும் என மொத்தம் 16 பயனாளிகளுக்கு ரூ. 5 லட்சத்து 35,885 லட்சம் மதிப்பில் பல்வேறு நலத்திட்ட உதவிகளை ஆட்சியா் வழங்கினாா்.

கூட்டத்தில், மாவட்ட வருவாய் அலுவலா் கீா்த்தி பிரியதா்ஷினி, மாவட்ட ஊரக வளா்ச்சி முகமைத் திட்ட இயக்குநா் ஜெயராமன், பட்டு வளா்ச்சித் துறை மண்டல இணை இயக்குநா் எஸ்.ஜெயபிரகாஷ் உள்பட அரசுத் துறை அலுவலா்கள் கலந்துகொண்டனா்.