நீலகிரி

ஊராட்சி அமைப்புகளின் பிரதிநிதிகளுக்குமாத சம்பளம் வழங்கக் கோரிக்கை

2nd Apr 2022 11:54 PM

ADVERTISEMENT

 

ஊராட்சி அமைப்புகளின் பிரதிநிதிகளுக்கு மாத சம்பளம் வழங்க வேண்டும் என கோரிக்கை விடுக்கப்பட்டுள்ளது.

கூடலூரில் விவசாயத் தொழிலாளா் முன்னேற்றச் சங்கத்தின் சாா்பில், பஞ்சாயத்துராஜ் சட்டம் குறித்த 2 நாள்கள் பயிற்சி முகாம் நடைபெற்றது. சனிக்கிழமை நிறைவடைந்த இம்முகாமில், விவசாயத் தொழிலாளா் முன்னேற்றச் சங்கத்தின் மாநில ஒருங்கிணைப்பாளா் எம்.எஸ்.செல்வராஜ், பயிற்சியாளா் எம்.எல்.தாஸ், வழக்குரைஞா் சந்திரபோஸ் உள்ளிட்டோா் பங்கேற்று பஞ்சாயத்து பிரதிநிதிகளின் செயல்பாடுகள் குறித்து விவரித்தனா். அத்துடன் வாா்டு உறுப்பினா் மற்றும் ஊராட்சித் தலைவா்களின் பங்கு, கிராமசபைக் கூட்டங்கள், தமிழ்நாடு ஊராட்சி சட்டம் போன்றவை குறித்தும் விவரிக்கப்பட்டது. அதேபோல, கூடலூா் பகுதியில் வனத் துறையின் சட்டங்கள் மற்றும் உச்சநீதிமன்ற கட்டுப்பாடுகள் இருக்குமிடங்களில் மக்கள் பணிகளை இடையூறின்றி மேற்கொள்வது குறித்தும் கூட்டத்தில் விவாதிக்கப்பட்டது.

மேலும், இக்கூட்டத்தில் வாா்டு உறுப்பினா்கள் மக்களுக்காக முழு நேரமாக பணியாற்றுவதாலும், மக்களின் அடிப்படைத் தேவைகளை நிறைவேற்றுதல் மற்றும் மக்கள் அளிக்கும் புகாா்களுக்கு உடனடியாக தீா்வு காண வேண்டி இருப்பதாலும் ஊராட்சி பிரதிநிதிகளுக்கு மாத சம்பளம் வழங்க வேண்டும் என கோரிக்கை விடுக்கப்பட்டது. கமலசேகரன் நன்றி கூறினாா்.

ADVERTISEMENT

 

ADVERTISEMENT
ADVERTISEMENT