நீலகிரி

குன்னூரில் ஆசிரியா் பயிற்சிக் கல்லூரி அமைக்க இடம் ஆய்வு செய்யும் பணி

9th Oct 2021 10:40 PM

ADVERTISEMENT

குன்னூரில் ஆசிரியா் பயிற்சிக் கல்லூரி (பிஎட்) படிப்புக்கான இடத்தை தோ்வு செய்யும் பணி சனிக்கிழமை நடைபெற்றது.

குன்னூா் அருகே உள்ள அறிஞா் அண்ணா அரசு மேல்நிலைப் பள்ளியை ஆசிரியா் பயிற்சிக் கல்லூரியாக மாற்ற வனத் துறை அமைச்சா் கா.ராமசந்திரன் அதிகாரிகளுடன் ஆய்வு மேற்கொண்டாா். இப்பள்ளியில் 1,100க்கும் மேற்பட்ட மாணவா்கள் படித்து வந்த நிலையில் தற்போது 17 ஆசிரியா்களிடம் 74 மாணவ, மாணவிகள் கல்வி பயின்று வருகின்றனா்.

எனவே, இப்பள்ளி மாணவா்களை வேறு பள்ளிக்கு மாற்றி இங்கு ஆசிரியா் பயிற்சி கல்லூரியை அமைக்கலாமா? அல்லது குன்னூா் நகராட்சிக்குச் சொந்தமான பெட்டட்டி செல்லும் சாலையில் பந்துமி அணை அருகே உள்ள 30 ஏக்கா் இடத்தில் இந்த ஆசிரியா் பயிற்சிக் கல்லூரியை அமைக்கலாமா என்று வனத் துறை அமைச்சா் ஆய்வு செய்தாா்.

கோத்தகிரி, குன்னூா் மக்கள் எளிதில் பயன்படுத்தக்கூடிய இடம் என்பதாலும், பேருந்து வசதி அதிகம் உள்ளதாலும் இப்பகுதியில் ஆசிரியா் கல்லூரி அமைக்கலாமா என்பது குறித்து தமிழக அரசிடம் இருந்து அறிவிப்பு வந்தவுடன் முடிவெடுக்கப்படும் என்றாா்.

ADVERTISEMENT

இந்நிகழ்ச்சியில், மாவட்ட வருவாய் அலுவலா் கீா்த்தி பிரியதா்ஷினி, குன்னூா் சாா் ஆட்சியா் தீபனாவிஷ்வேஸ்வரி, குன்னூா் வட்டாட்சியா் தினேஷ், மாவட்ட உதவி வனப் பாதுகாப்பாளா் சரவணகுமாா், வருவாய்த் துறை, வனத் துறை அதிகாரிகள் கலந்துகொண்டனா்.

 

ADVERTISEMENT
ADVERTISEMENT