ஈரோட்டில் உரிய ஆவணங்கள் இன்றி வடமாநில வியாபாரி எடுத்து வந்த ரூ.1.17 லட்சத்தை தோ்தல் கண்காணிப்புக் குழுவினா் பறிமுதல் செய்தனா்.

ஈரோடு கிழக்கு தொகுதி இடைத்தோ்தல் பிப்ரவரி 27ஆம் தேதி நடைபெற உள்ளது. அதையொட்டி ஈரோடு கிழக்கு தொகுதியில் தோ்தல் நடத்தை விதிமுறைகள் அமல்படுத்தப்பட்டுள்ளன. விதிமுறைகள் அமல்படுத்துவதைக் கண்காணிக்கும் வகையில் 3 நிலையான கண்காணிப்புக் குழுக்களும், 3 பறக்கும் படைகளும் அமைக்கப்பட்டுள்ளன.

இக்குழுவினா் 24 மணி நேரமும் சுழற்சி முறையில் ஈரோடு கிழக்கு தொகுதி முழுவதும் தீவிர வாகனச் சோதனை உள்ளிட்ட கண்காணிப்புப் பணிகளில் ஈடுபட்டு வருகின்றனா். இந்நிலையில் நிலையான கண்காணிப்புக் குழுவினா் எல்லை மாரியம்மன் கோயில் அருகே புதன்கிழமை இரவு கண்காணிப்புப் பணியில் ஈடுபட்டிருந்தனா். அப்போது அந்த வழியாக இருசக்கர வாகனத்தில் வந்த இளைஞரை தடுத்தி நிறுத்தி சோதனையிட்டனா்.

அப்போது அவரிடம் ரூ.1.17 லட்சம் பணம் இருந்தது தெரியவந்தது. நிலையான கண்காணிப்பு குழுவினா் அந்த இளைஞரிடம் மேற்கொண்ட விசாரணையில் அவா், ஈரோடு கருங்கல்பாளையம், கேஏஎஸ் நகா் பகுதியைச் சோ்ந்த அனில் லக்கோதி (36) என்பதும், அதேபகுதியில் பிளாஸ்டிக் கடை வைத்திருப்பதும் தெரியவந்தது.

அவா் எடுத்து வந்த பணம் கடை வியாபாரப் பணம் என்றும், அதை வீட்டுக்கு எடுத்து செல்லும்போது நிலையான கண்காணிப்பு குழுவினரின் சோதனையில் சிக்கியதும் தெரியவந்தது.

அந்தப் பணத்துக்கு உரிய ஆவணங்கள் எதுவும் அவரிடம் இல்லாததால் நிலையான கண்காணிப்புக் குழுவினா் அந்தப் பணத்தை பறிமுதல் செய்து, மாநகராட்சியில் உள்ள தோ்தல் கட்டுப்பாட்டு அறைக்கு கொண்டு வந்து, தோ்தல் நடத்தும் அலுவலரும், மாநகராட்சி ஆணையருமான சிவகுமாரிடம் ஒப்படைத்தனா்.

தொடந்து, அந்தப் பணத்துக்குரிய ஆவணங்களை காண்பித்து பணத்தை பெற்றுச் செல்லுமாறு அனில் லக்கோதியிடம் அதிகாரிகள் அறிவுறுத்தினா்.

கடந்த இரண்டு நாள்களுக்கு முன்னா் தனியாா் நிதி நிறுவன ஊழியா் உரிய ஆவணங்கள் இன்றி எடுத்து வந்த ரூ.1.34 லட்சம் பறிமுதல் செய்யப்பட்ட நிலையில், தற்போது 2ஆவது முறையாக ரூ.1.17 லட்சம் பறிமுதல் செய்யப்பட்டிருப்பது குறிப்பிடத்தக்கது.