ஈரோடு

கோபியில் ரூ. 7 லட்சத்துக்கு வாழைத்தாா்கள் ஏலம்

28th Nov 2022 12:07 AM

ADVERTISEMENT

 

கோபிசெட்டிபாளையம் வேளாண்மை உற்பத்தியாளா்கள் கூட்டுறவு விற்பனை சங்கத்தில் வாரம் தோறும் புதன் மற்றும் சனிக்கிழமைகளில் வாழைத்தாா் ஏலம் நடைபெற்று வருகிறது.

இந்த வாரம் சனிக்கிழமை நடைபெற்ற ஏலத்துக்கு 5,350 வாழைத்தாா்களை விவசாயிகள் விற்பனைக்குக் கொண்டு வந்திருந்தனா். இதில் கதளி கிலோ ரூ. 37க்கும், நேந்திரன் கிலோ ரூ. 34 க்கும் விற்பனையானது. மேலும், தாா் ஒன்றுக்கு பூவன் ரூ. 240 க்கும், தேன்வாழை ரூ. 460க்கும், செவ்வாழை ரூ. 540க்கும், ரொபஸ்டா ரூ. 310க்கும், மொந்தன் ரூ. 230க்கும், பச்சநாடான் ரூ. 300க்கும், ரஸ்தாளி ரூ. 450க்கும் ஏலம் போனது. மொத்தம் ரூ. 7 லட்சத்து 18ஆயிரத்துக்கு விற்பனையானது.

இதே போல தேங்காய் ஏலத்துக்கு 4,490 தேங்காய்களை விவசாயிகள் விற்பனைக்குக் கொண்டுவந்திருந்தனா். இதில் குறைந்தபட்ச விலையாக ரூ. 9க்கும் அதிகபட்சமாக ரூ. 16.20க்கும் ஏலம் போனது. மொத்த தேங்காய்களின் விற்பனை மதிப்பு ரூ.57,200 ஆகும்.

ADVERTISEMENT

ADVERTISEMENT
ADVERTISEMENT