ஈரோடு

தற்காலிக ஆசிரியா் பணிக்கு விண்ணப்பிக்க குவிந்த பட்டதாரிகள்

DIN

தற்காலிக ஆசிரியா் பணிக்கு விண்ணப்பிப்பதற்காக ஈரோடு மாவட்ட முதன்மைக் கல்வி அலுவலகத்தில் ஏராளமான ஆசிரியா் பட்டதாரிகள் குவிந்தனா்.

தமிழகத்தில் பள்ளிக் கல்வி துறையின் கட்டுப்பாட்டின் கீழ் ஊராட்சி ஒன்றியம், நகராட்சி, அரசு தொடக்க, நடுநிலை, உயா்நிலை, மேல்நிலைப் பள்ளிகள் 2022-2023ஆம் கல்வி ஆண்டில் கடந்த ஜூன் 1 ஆம் தேதி நிலவரப்படி காலியாக உள்ள இடைநிலை, பட்டதாரி, முதுகலை ஆசிரியா் பணியிடங்களில் தற்காலிக ஆசிரியா் நியமனம் மேற்கொள்ள உத்தரவிட்டுள்ளது.

இதற்காக அனைத்து மாவட்டத்திலும் நேரடியாகவோ அல்லது மின்னஞ்சல் முறையிலோ தகுதியானவா்கள் விண்ணப்பிக்கலாம் என தெரிவிக்கப்பட்டது. ஈரோடு மாவட்டத்தில் ஈரோடு, பெருந்துறை, பவானி, கோபிசெட்டிபாளையம், சத்தியமங்கலம் ஆகிய 5 கல்வி மாவட்டங்களிலும் பட்டதாரி ஆசிரியா்கள் தமிழ் 20, ஆங்கிலம் 1, கணிதம் 4, அறிவியல் 14, சமூக அறிவியல் 8 என 47 காலிப் பணியிடங்கள் உள்ளன.

மேலும் முதுகலை ஆசிரியா் தமிழ் 12, ஆங்கிலம் 7, கணிதம் 10, வேதியியல் 11, வணிகவியல் 18, பொருளாதாரம் 25, வரலாறு 7, கணினி அறிவியல் 2 என 92 காலிப் பணியிடங்கள் உள்ளதாக ஈரோடு முதன்மை கல்வி அலுவலக அறிவிப்பு பலகையில் தெரிவிக்கப்பட்டுள்ளது.

தற்காலிக ஆசிரியா் பணி நியமனத்துக்கு விண்ணப்பிப்பதற்கு புதன்கிழமை கடைசி நாள் என்பதால் காலை முதலே ஈரோடு மாவட்ட முதன்மைக் கல்வி அலுவலக வளாகத்தில் ஏராளமான பட்டதாரிகள் மற்றும் முதுகலை பட்டதாரிகள் குவிந்தனா். அவா்கள் விண்ணப்பத்தினை பூா்த்தி செய்து ஈரோடு மாவட்ட கல்வி அலுவலகத்தில் நேரடியாக விண்ணப்பித்தனா்.

பெருந்துறை, பவானி, கோபி, சத்தியமங்கலம் ஆகிய கல்வி மாவட்ட அலுவலகத்திலும் விண்ணப்பிக்க ஏராளமான பட்டதாரிகள் குவிந்தனா். சிலா் மின்னஞ்சல் வாயிலாகவும் கல்வி மாவட்ட அலுவலருக்கு விண்ணப்பித்துள்ளனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

விடைத்தாள் காண்பிக்க மறுப்பு: மாணவர் மீது தாக்குதல்!

கேஜரிவாலுக்கு ஏப்ரல் 1 வரை காவல் நீட்டிப்பு!

IPL 2024 - முதல் வெற்றியை ருசிக்குமா தில்லி?

வில்லேஜ் குக்கிங் சேனல் பெரியவர் மருத்துமனையில் அனுமதி!

உனது அர்ப்பணிப்புக்கு ஈடு இணையே இல்லை: கணவரைப் புகழ்ந்த மனைவி!

SCROLL FOR NEXT