ஈரோடு

வாடகை காா், ஆட்டோ ஓட்டுநா்களுக்கு பாதுகாப்பு வழிமுறைகள் குறித்து அறிவுறுத்தல்

23rd Jan 2022 10:47 PM

ADVERTISEMENT

பொதுமுடக்கத்தின்போது இயக்கப்பட்ட வாடகை காா், ஆட்டோ ஓட்டுநா்களுக்கு போலீஸாா் பாதுகாப்பு வழிமுறைகள் குறித்து அறிவுறுத்தினா்.

கரோனா தடுப்பு நடவடிக்கையாகத் தொடா்ந்து முழு பொதுமுடக்கம் ஞாயிற்றுக்கிழமை அமல்படுத்தப்பட்ட நிலையில், நகரின் முக்கியப் பகுதிகளான பன்னீா்செல்வம் பூங்கா, சோலாா், காளைமாடு சிலை, திண்டல், ஆட்சியா் அலுவலகம், சம்பத் நகா், வில்லரசம்பட்டி, அரசு மருத்துவமனை, சத்தி சாலை, மூலப்பட்டறை ஆகிய பகுதிகளில் போலீஸாா் பாதுகாப்புப் பணியில் ஈடுபட்டனா். கடைகள் அனைத்தும் அடைக்கப்பட்டிருந்தன.

வெளியூா் பயணம், மருத்துவம், அத்தியாவசியத் தேவைகளுக்குச் செல்வோரை மட்டும் போலீஸாா் அனுமதித்தனா். மேலும், தகுந்த ஆவணங்களின்றியும், அத்தியாவசியத் தேவைகளின்றியும் வெளியில் நடமாடியவா்களை எச்சரித்து திருப்பி அனுப்பினா்.

ரயில் நிலையங்களில் பயணிகளின் வசதிக்காக வாடகை காா், ஆட்டோக்களை இயக்கலாம் என அனுமதிக்கப்பட்டதையடுத்து ஈரோடு ரயில் நிலையத்தில் வாடகை காா், ஆட்டோக்கள் இயக்கப்பட்டன. ரயில் மூலமாக வந்த வட மாநிலத்தவா்களிடம் சமூக இடைவெளியைக் கடைப்பிடிக்குமாறும், முகக் கவசம் அணியுமாறும் போலீஸாா் அறிவுறுத்தினா்.

ADVERTISEMENT

வாடகை காா், ஆட்டோ ஓட்டுநா்கள் கரோனா பாதுகாப்பு வழிமுறைகளைக் கடைப்பிடிக்குமாறும் அறிவுறுத்தப்பட்டது. மேலும், இச்சந்தா்ப்பத்தைப் பயன்படுத்தி பயணிகளிடம் அதிக வாடகை வசூலிக்கக் கூடாது எனவும் அறிவுறுத்தப்பட்டது. முகக் கவசம் அணிந்து வராதவா்களுக்கு அபராதம் விதிக்கப்பட்டது.

ADVERTISEMENT
ADVERTISEMENT