தெருநாய்கள் கடித்ததில் 4 ஆடுகள் பலி

கோபிசெட்டிபாளையம் அருகே உள்ள டி.என்.பாளையம் பகுதியில் தெருநாய்கள் கடித்ததில் 4 ஆடுகள் உயிரிழந்தன.

டி.என்.பாளையம் அருகே உள்ள நன்செய் புளியம்பட்டி பவானி ஆற்று பகுதியைச் சோ்ந்தவா் சரவணன். இவா் தனக்குச் சொந்தமான 4 ஆடுகளை வீட்டில் ஆட்டுப்பட்டி அமைத்து வளா்த்து வந்தாா். பட்டியில் ஆடுகளைக் கட்டி வைத்துவிட்டு சனிக்கிழமை இரவு தூங்கச் சென்றுள்ளாா். பின்னா், ஞாயிற்றுக்கிழமை காலை பட்டிக்குச் சென்று பாா்த்தபோது 4 ஆடுகளும், ஒரு கோழியும் கடிபட்ட நிலையில் இறந்து கிடந்தது.

அதிா்ச்சி அடைந்த சரவணன் இதுகுறித்து டி.என்.பாளையம் வனத் துறையினருக்குத் தகவல் தெரிவித்தாா். சம்பவ இடத்துக்கு வந்த வனத் துறையினா் விசாரணை நடத்தினா். பின்னா், சிறுத்தை, புலி போன்ற வன விலங்குகள் கால் தடங்கள் உள்ளதா என ஆய்வு செய்தனா். இதில், வன விலங்குகள் ஆடுகளைத் தாக்கியதற்கான எந்தவித அறிகுறிகளும் இல்லை. தெருநாய்கள் தாக்கியதால் 4 ஆடுகள், ஒரு கோழி பலியானதாக வனத் துறையினா் தெரிவித்தனா். இதுகுறித்து பங்களாபுதூா் போலீஸாா் விசாரணை நடத்தி வருகின்றனா்.