ஈரோடு

சிறுமிக்குப் பாலியல் துன்புறுத்தல்: தொழிலாளிக்கு 3 ஆண்டுகள் சிறை

2nd Dec 2022 11:37 PM

ADVERTISEMENT

சிறுமிக்குப் பாலியல் துன்புறுத்தல் கொடுத்த வழக்கில் சலவைத் தொழிலாளிக்கு 3 ஆண்டுகள் சிறை தண்டனை விதித்து ஈரோடு நீதிமன்றம் வெள்ளிக்கிழமை தீா்ப்பளித்தது.

ஈரோடு மாவட்டம், கொடுமுடி, தேவகியம்மாபுரம் பகுதியைச் சோ்ந்த 12 வயது சிறுமியிடம் அப்பகுதியில் வசிக்கும் சலவைத் தொழிலாளியான முருகேசன் (40) என்பவா் கடந்த 24-12-2019 அன்று பாலியல் துன்புறுத்தலில் ஈடுபட்டுள்ளாா்.

இது குறித்து கொடுமுடி காவல் நிலையத்தில் சிறுமியின் தந்தை புகாா் அளித்துள்ளாா். அதன்பேரில் வழக்குப் பதிவு செய்த போலீஸாா், முருகேசனை கைது செய்தனா். இந்த வழக்கு விசாரணை ஈரோடு மகளிா் நீதிமன்றத்தில் நடந்துவந்தது.

விசாரணை முடிந்த நிலையில் நீதிபதி மாலதி வெள்ளிக்கிழமை தீா்ப்பளித்தாா். இதில் குற்றம்சாட்டப்பட்ட முருகேசனுக்கு ஒரு பிரிவில் 3 ஆண்டுகளும், மற்றொரு பிரிவில் ஓராண்டும், ரூ.3,000 அபராதமும் விதித்து தீா்ப்பளித்தாா். தண்டனையை ஏக காலத்தில் அனுபவிக்க உத்தரவிட்ட நீதிபதி, அபராதத்தை செலுத்தத் தவறினால் மேலும் ஒரு மாதம் சிறைத் தண்டனை அனுபவிக்க உத்தரவிட்டாா். பாதிக்கப்பட்ட சிறுமிக்கு ரூ.50,000 நஷ்டஈடு வழங்க அரசுக்கு நீதிபதி பரிந்துரைத்தாா்.

ADVERTISEMENT

ADVERTISEMENT
ADVERTISEMENT