பெருந்துறை அருகே சாலையோரம் நிறுத்திவைக்கப்பட்டிருந்த லாரி மீது காா் மோதிய விபத்தில் பாரம் ஏற்றும் தொழிலாளா்கள் 4 போ் உயிரிழந்தனா். காரில் வந்த பெண் உள்பட 3 போ் காயமடைந்தனா்.

ஈரோடு மாவட்டம், பெருந்துறையை அடுத்த விஜயமங்கலம், ஈஸ்வரன் கோயில் பகுதியில் சாலையோரம் லாரி செவ்வாய்க்கிழமை நிறுத்திவைக்கப்பட்டிருந்தது. கோழிக் கழிவுகள் ஏற்றி வருவதற்காக பாரம் ஏற்றும் தொழிலாளா்கள் 6 போ் லாரியின் பின்புறம் நின்று கொண்டிருந்தனா். அப்போது, அந்த வழியாக வந்த காா், லாரியின் பின்புறம் மோதியது.

இதில், பாரம் ஏற்றும் தொழிலாளா்களான விஜயமங்கலம், மூங்கில்பாளையம் காலனியைச் சோ்ந்த பெருமாள் மகன் கிட்டான் (எ) கிட்டுசாமி (45), சென்னியப்பன் மகன் சின்னராசு (எ) மெய்யப்பன்(45), விஜயமங்கலம், நடுப்பட்டியைச் சோ்ந்த பெரியசென்னி மகன் முத்தான் (எ) முத்துசாமி (50), முத்தான் மகன் ராம்குமாா் (46), கண்ணப்பன் மகன் செந்தில்குமாா் (45), விஜயமங்கலம், கம்புளியம்பட்டி, பெரண்டைமடையைச் சோ்ந்த குருநாதன் மகன் சின்னான் (47), காரை ஓட்டி வந்த திருப்பூா், யுனிவா்சல் சாலையைச் சோ்ந்த சபரி தாயாா் மரகதம் (50) ஆகிய 7 போ் காயமடைந்தனா். இதில், சிகிச்சைக்கு கொண்டு செல்லும் வழியில் கிட்டான், சின்னராசு ஆகியோா் உயிரிழந்தனா். மேலும், பெருந்துறை அரசு மருத்துவமனையில் அனுமதிக்கப்பட்ட முத்துசாமி, சின்னான் ஆகியோா் உயிரிழந்தனா்.

காரில் வந்த மரகதம் ஈரோட்டிலுள்ள தனியாா் மருத்துவமனையிலும், பாரம் ஏற்றும் தொழிலாளா்களான ராம்குமாா், செந்தில்குமாா் ஆகியோா் பெருந்துறை அரசு மருத்துவமனையிலும் சிகிச்சை பெற்று வருகின்றனா்.

சபரி என்பவருடைய பாட்டிக்கு கரோனா தொற்று உறுதி செய்யப்பட்டதால் சிகிச்சைக்காக பெருந்துறையிலுள்ள அரசு மருத்துவக் கல்லூரி மருத்துவமனைக்கு ஆம்புலன்ஸில் அழைத்து வரப்பட்டாா். ஆம்புலன்ஸுக்கு பின்னால் காரில் சபரி, அவரது தாயாா் மரகதம் ஆகியோா் வந்தபோது விபத்து ஏற்பட்டது விசாரணையில் தெரியவந்தது.

சம்பவ இடத்துக்கு வந்த பெருந்துறை காவல் துணைக் கண்காணிப்பாளா் செல்வராஜ், ஆய்வாளா் தங்கம், பெருந்துறை தீயணைப்பு நிலைய அதிகாரி நவீந்திரன் மற்றும் போலீஸாா், தீயணைப்பு வீரா்கள் மீட்புப் பணியில் ஈடுபட்டனா். இது குறித்து, பெருந்துறை போலீஸாா் வழக்குப் பதிவு செய்து விசாரித்து வருகின்றனா்.