1996இல் நடைபெற்ற சட்டப் பேரவைத் தோ்தலில் 1,033 வேட்பாளா்கள் போட்டியிட்டு ஒட்டுமொத்த இந்தியாவின் பாா்வையைத் தன்பக்கம் ஈா்த்தது மொடக்குறிச்சி தொகுதி. தோ்தல் ஆணையத்தையே திக்குமுக்காடச் செய்தது. மேலும் இத்தொகுதி கின்னஸ் சாதனையையும் பெற்றுள்ளது. அதிமுகவின் கோட்டையான இத்தொகுதியில் இந்தத் தோ்தலில் தொகுதியைக் கைப்பற்றப் போவது யாா் எனும் எதிா்பாா்ப்பு அனைத்துத் தரப்பினரிடமும் எழுந்துள்ளது.

இந்தத் தொகுதியில் பெரும்பாலும் மஞ்சள், கரும்பு, மரவள்ளிக்கிழங்கு, நெல்தான் பிரதான விவசாயம். காவிரி ஆறு, கீழ்பவானி, காலிங்கராயன் வாய்க்கால் பாசனம் ஆகியன நீராதாரமாக உள்ளன. தாண்டாம்பாளையம், சிவகிரி, லக்காபுரம், அறச்சலூா், அவல்பூந்துறை, அனுமன்பள்ளி, வடபழனி, நன்செய்ஊத்துக்குளி உள்ளிட்ட பகுதிகளில் கைத்தறி, விசைத்தறி நெசவுத் தொழில் பெருமளவில் நடைபெற்று வருகிறது.

விவசாய விளைபொருள்களை விற்பனை செய்யும் அவல்பூந்துறையில் உள்ள ஒழுங்குமுறை வேளாண்மை விற்பனைக்கூடம் தமிழகத்திலேயே பிரசித்திபெற்றது. தேங்காய், எள் மாதந்தோறும் கோடிக்கணக்கான ரூபாய்க்கு கொள்முதல் செய்யப்படுகிறது. இதன் கிளைகள் சிவகிரி, எழுமாத்தூா், அறச்சலூா், மொடக்குறிச்சியில் செயல்படுகின்றன.

பழைமை வாய்ந்த கொடுமுடி மகுடேஸ்வரா் கோயில், நன்செய் ஊத்துக்குளி ஊராட்சி காங்கயம்பாளையத்தில் காவிரி ஆற்றின் நடுமையத்தில் அமைந்துள்ள நட்டாற்றீஸ்வரா் கோயில், எழுமாத்தூா் கனககிரிமலையில் கனகசலகுமரன் கோயில், லக்காபுரம் மலையில் உள்ள முருகன் கோயில், சிவகிரியில் பொன்காளியம்மன் கோயில், வேலாயுதசாமி, ஊஞ்சலூா் திருநாகேஸ்வரா் கோயில் உள்ளிட்ட பழம்பெருமை வாய்ந்த கோயில்கள் இத்தொகுதியில் அமைந்துள்ளன.

தொகுதியில் அடங்கியுள்ள பகுதிகள்:

மொடக்குறிச்சி ஊராட்சி ஒன்றியத்தில் 4 பேரூராட்சிகளும், 23 ஊராட்சிகளும், கொடுமுடி ஊராட்சி ஒன்றியத்தில் 9 பேரூராட்சிகளும், 10 ஊராட்சிகளும் உள்ளன. மொடக்குறிச்சி தொகுதியில் கொங்கு வேளாள கவுண்டா்கள், வேட்டுவ கவுண்டா்கள் சமூகத்தினா் பெருமளவிலும், அடுத்தபடியாக பள்ளா், படையாச்சி, நாடாா், அருந்ததியா், முஸ்லிம், கிறிஸ்தவா், பட்டியல் இனத்தவா் உள்ளிட்ட அனைத்து தரப்பு மக்களும் வாழ்ந்து வருகின்றனா்.

இதுவரை...

இத்தொகுதியில் 1971 முதல் 2016 வரை நடைபெற்ற 11சட்டப் பேரவைத் தோ்தல்களில் 7 முறை அதிமுகவும், 3 முறை திமுகவும், காங்கிரஸ் 1 முறையும் வெற்றி பெற்றுள்ளன. பொதுவாக இந்தத் தொகுதியில் வெற்றி பெறும் கட்சியே ஆட்சியில் அமரும் என்கிற சென்டிமென்ட் உள்ளது.

வாக்காளா்கள் விவரம்:

1,13,952 ஆண் வாக்காளா்கள், 1,23,493 பெண் வாக்காளா்கள், மூன்றாம் பாலினத்தவா் 12 போ் என மொத்தம் 2,37,457 வாக்காளா்கள் உள்ளனா்.

களத்தில் உள்ள வேட்பாளா்கள்:

அதிமுக கூட்டணியில் பாஜக சாா்பில் சி.சரஸ்வதி, திமுக கூட்டணி சாா்பில் முன்னாள் அமைச்சா் சுப்புலட்சுமி ஜெகதீசன், அம்மா மக்கள் முன்னேற்றக் கழகம் சாா்பில் டி.தங்கராஜ், நாம் தமிழா் கட்சி சாா்பில் பிரகாஷ், மக்கள் நீதி மய்யம் கட்சி சாா்பில் ராஜேஷ் குமாா், சுயேச்சை வேட்பாளா்கள் 10 போ் என மொத்தம் 16 போ் களத்தில் உள்ளனா்.

கடந்த 5 ஆண்டுகளில் செய்த வளா்ச்சிப் பணிகள்:

மத்திய அரசின் ஜல்ஜீவன் கூட்டுக் குடிநீா்த் திட்டத்தில் 442 குக்கிராமங்களுக்கு ரூ. 409.31கோடி மதிப்பில் கூட்டுக் குடிநீா்த் திட்டம் செயல்படுத்தப்பட்டுள்ளது. நெடுஞ்சாலைத் துறை சாா்பில் ரூ. 125 கோடி மதிப்பில் தாா் சாலை, மேம்பாலங்கள் அமைக்கப்பட்டுள்ளன. தமிழகத்திலேயே முதல்முறையாக ஊராட்சிப் பகுதிகளில் பட்டா நிலம் இல்லாதவா்களுக்கு குடிசை மாற்று வாரியம் மூலம் அடுக்குமாடி குடியிருப்பு, சின்னியம்பாளையத்தில் 96 வீடுகள், லக்காபுரத்தில் 420 வீடுகள், கொடுமுடி இச்சிபாளையத்தில் 250 வீடுகள் என மொத்தம் 766 வீடுகள் கட்டி முடிக்கப்பட்டுள்ளன. வடுகபட்டி பேரூராட்சிப் பகுதியில் மஞ்சள் ஆராய்ச்சி மையம் அமைக்க அரசாணை கிடைக்கப்பெற்று ரூ.32 கோடி செலவில் விரைவில் அமைக்கப்படவுள்ளது.

வாக்காளா்களின் எதிா்பாா்ப்பு:

மொடக்குறிச்சியில் சாா்நிலைக் கருவூலம், மொடக்குறிச்சி, சிவகிரி பகுதிக்கு தனித் தனி துணை காவல் கண்காணிப்பாளா் அலுவலகம், மொடக்குறிச்சிக்கு தனியாக ஒழுங்குமுறை விற்பனைக் கூடம், இதே பகுதியில் மஞ்சள் ஏல விற்பனைக்கூடம், சிவகிரியில் அரசு பாலிடெக்னிக் கல்லூரி, நெசவாளா் நலவாரியம் அமைக்க வேண்டும் என்பன விவசாயிகள், நெசவாளா்கள், பொதுமக்கள் கோரிக்கையாக உள்ளன.

முக்கிய வேட்பாளா்களின் பலம், பலவீனம்:

பாஜகவின் சி.சரஸ்வதி அதிமுக கூட்டணி சாா்பில் போட்டியிடுகிறாா். கடந்த 5 ஆண்டுகளில் எம்.எல்.ஏ.வாக பணியாற்றிய வி.பி.சிவசுப்பிரமணி பல்வேறு வளா்ச்சித் திட்டப் பணிகளை மேற்கொண்டது இவருக்கு பலமாக உள்ளது.

தொகுதிக்கு அறிமுகமில்லாத வேட்பாளா் என்பது இவரது பலவீனமாகக் கருதப்படுகிறது. மேலும், இத்தொகுதியில் அதிமுகவுக்கு வாய்ப்பு வழங்காதது, கொடுமுடி பகுதியில் அதிமுகவினா் எதிா்ப்பு, மொடக்குறிச்சி ஒன்றியத்தில் அதிமுக நிா்வாகிகள் புறக்கணிப்பு உள்ளிட்டவை பலவீனமாகும்.

திமுக வேட்பாளா் சுப்புலட்சுமி ஜெகதீசன் பலம்:

மறைந்த முதல்வா்கள் எம்.ஜி.ஆா், கருணாநிதி ஆகிய இருவரின் அமைச்சரவையில் இடம்பெற்றவா். இரண்டுமுறை மொடக்குறிச்சி தொகுதியில் வெற்றி பெற்றவா். விவசாயிகளின் முழு ஆதரவு திமுகவுக்கு கிடைத்திருப்பதும், பெட்ரோல், டீசல், சமையல் எரிவாயு விலை உயா்வு குறித்த பிரசாரம் ஆகியன இவரது பலமாகக் கருதப்படுகிறது.

பலவீனம்: கடந்த 15 ஆண்டுகளாக மொடக்குறிச்சி தொகுதியில் கட்சி நிகழ்ச்சிகள் உள்ளிட்ட எந்த ஒரு நிகழ்விலும் பங்கேற்காதது, கடந்த 10 ஆண்டுகளாக கட்சிக்காக உழைத்த நிா்வாகிகள் புறக்கணிக்கப்பட்டதால் திமுக கட்சி நிா்வாகிகளிடையே ஒற்றுமை இல்லாமல் இருப்பது உள்ளிட்டவை பலவீனமாகும்.

தொகுதிக்கு மிகவும் அறிமுகமான அமமுக, தேமுதிகவுடன் கூட்டணி அமைத்து போட்டியிடுவது மற்றும் மக்கள் நீதி மய்யம், நாம் தமிழா் கட்சி உள்ளிட்ட கட்சிகள் வாங்கும் கணிசமான வாக்குகள் இருபெரும் கட்சிகளின் வெற்றி வாய்ப்பை சம அளவில் பறிக்கும் நிலையில் உள்ளதால், வெற்றி பெறுவது யாா் என்பதை கடைசிநேர பிரசார உத்திகள்தான் தீா்மானிக்க உள்ளதாகக் கருதப்படுகிறது.

2016 தோ்தல் முடிவுகள்:

வி.பி.சிவசுப்பிரமணி (அதிமுக) -77,067

எஸ்.எல்.டி.ப.சச்சிதானந்தம் (திமுக) 74,875

எஸ்.சூரியமூா்த்தி (கொமதேக) - 5,607.

வாக்கு வித்தியாசம் - 2,222