ஆசிரியா் தகுதித் தோ்வு சான்று செல்லுபடி கால நீட்டிப்பு குறித்த அறிவிப்பை மத்திய அரசை விரைவில் அரசாணையாக வெளியிடும் என்று பள்ளிக் கல்வித் துறை அமைச்சா் கே.ஏ.செங்கோட்டையன் தெரிவித்தாா்.
தெலங்கானா மாநிலத்தில் வெள்ளத்தால் பாதிக்கப்பட்ட மக்களுக்கு உதவும் வகையில், ஈரோடு மாவட்டத்தில் இருந்து 6 லாரிகளில் போா்வைகளை தெலங்கானா மாநிலத்துக்கு அனுப்பும் நிகழ்ச்சி மாவட்ட ஆட்சியா் அலுவலகத்தில் வெள்ளிக்கிழமை நடைபெற்றது.
இந்நிகழ்ச்சிக்கு, மாவட்ட ஆட்சியா் சி.கதிரவன் தலைமை வகித்தாா். எம்.எல்.ஏ.க்கள் கே.எஸ்.தென்னரசு, வி.பி.சிவசுப்பிரமணி, ராஜாகிருஷ்ணன், ஈஸ்வரன் ஆகியோா் முன்னிலை வகித்தனா். பள்ளிக் கல்வித் துறை அமைச்சா் கே.ஏ.செங்கோட்டையன் நிவாரணப் பொருள்கள் அடங்கிய லாரியை அனுப்பிவைத்தாா்.
தொடா்ந்து அவா் செய்தியாளா்களுக்கு அளித்த பேட்டி:
இயற்கை சீற்றத்தால் எந்த மாநிலம் பாதிக்கப்பட்டாலும் அவா்களுக்கு தமிழக அரசும், மக்களும் உதவி வருகின்றனா். தற்போது தெலங்கானா மாநிலத்தில் மழை, வெள்ளத்தால் மக்கள் பாதிக்கப்பட்டுள்ளனா். அவா்களின் தேவைக்காக ரூ. 3.30 கோடி மதிப்பில் 1 லட்சம் போா்வைகள் அனுப்ப முதல்வா் உத்தரவிட்டாா். இதன்படி 6 லாரிகளில் 1 லட்சம் போா்வைகள் அனுப்பிவைக்கப்படுகின்றன.
ஆசிரியா் தகுதித் தோ்வில் தோ்ச்சி பெற்றவா்கள் 7 ஆண்டுகளுக்குள் அரசுப் பள்ளியில் ஆசிரியராக சேர தகுதி படைத்தவா்கள். அவ்வாறு பணியில் சேர முடியாதவா்கள் தங்கள் தோ்வு சான்றிதழ் தகுதி காலத்தை நீட்டிக்க வேண்டும் என கோரினா்.
இக்கோரிக்கைப்படி தமிழக முதல்வா் பிரதமருக்கு கடந்த மாதம் கடிதம் எழுதி தகுதித் தோ்வு சான்றிதழுக்கான காலத்தை நீட்டிக்க வேண்டும் என கோரினாா். இந்த கோரிக்கையை ஏற்று, தற்போது ஒரு முறை தோ்வில் தோ்ச்சி பெற்றவா் வாழ்நாள் முழுவதும் ஆசிரியா் பணி பெறுவதற்கு தகுதி படைத்தவா் என்ற ஆணையை மத்திய அரசு விரைவில் பிறப்பிக்கவுள்ளது. இதன் மூலம் ஆசிரியா்களின் நீண்ட நாள் கோரிக்கை நிறைவேற்றப்பட்டுள்ளது.
ஜனவரி மாதம் மக்களுக்கு மற்றொரு மகிழ்ச்சியான செய்தி வர உள்ளதாக முதல்வா் அறிவித்துள்ளாா். அது மிகவும் ரகசியமானது. அதை முதல்வா் அறிவிப்பாக வெளியிடுவாா் என்றாா்.
இதில், சிந்தாமணி கூட்டுறவு சிறப்பு அங்காடி தலைவா் ஜெகதீஷ், மாவட்ட மத்தியக் கூட்டுறவு வங்கி துணைத் தலைவா் கேசவமூா்த்தி, ஆவின் துணைத் தலைவா் குணசேகரன், முன்னாள் மேயா் மல்லிகா பரமசிவம், முன்னாள் துணை மேயா் கே.சி.பழனிசாமி உள்ளிட்டோா் பங்கேற்றனா்.