தமிழ் மாநில காங்கிரஸ் கட்சியின் 7ஆம் ஆண்டு துவக்க விழாவையொட்டி ஈரோட்டில் அக்கட்சியினர் இனிப்பு வழங்கி கொண்டாடினர்.
 ஈரோடு பெருந்துறை ரோட்டில் உள்ள தமிழ் மாநில காங்கிரஸ் கட்சி அலுவலகத்தில, அக்கட்சியின் 7ஆம் ஆண்டு துவக்க விழா நேற்று கொண்டாடப்பட்டது. இதையொட்டி, கட்சிக் கொடியேற்றி, பொதுமக்களுக்கு இனிப்பு வழங்கப்பட்டது. 
மேலும், முன்னாள் முதல்வர் காமராஜர் மற்றும் மூப்பனார் படத்திற்கு மாலை அணிவித்து மரியாதை செலுத்தப்பட்டது. இந்நிகழ்ச்சிக்கு ஈரோடு மத்திய மாவட்ட தலைவர் விஜயகுமார் தலைமை தாங்கினார். 
மாநில துணை தலைவர் ஆறுமுகம், மாநில இளைஞர் அணி தலைவர் யுவராஜா, பொதுசெயலாளர் விடியல் சேகர், மாநில செயற்குழு உறுப்பினர் சந்திரசேகரன் ஆகியோர் முன்னிலை வகித்தனர். 
விவசாய அணி மாவட்ட தலைவர் சம்பத்குமார், இளைஞர் அணி மாவட்ட தலைவர் ரமேஷ், மண்டல தலைவர்கள் மணியன், சின்னச்சாமி, வட்டார தலைவா் புவனேஸ்வரன் உள்ளிட்ட பலர் கலந்து கொண்டனர்.