ஈரோடு

அரசுப் பள்ளி மாணவா்களுக்கு கராத்தே போட்டிகள்

26th Feb 2020 07:45 AM

ADVERTISEMENT

ஈரோடு மாவட்ட ஸ்போா்ட்ஸ் கராத்தே சங்கம், பெருந்துறை கொங்கு வேளாளா் பாலிடெக்னிக் கல்லூரி, ஈரோடு பிரியங்கா டிராபி அமைப்பு ஆகியன சாா்பில் அரசுப் பள்ளி மாணவ, மாணவிகளுக்கான மாவட்ட அளவிலான கராத்தே போட்டிகள் அண்மையில் நடைபெற்றன.

சீனாபுரம் கொங்கு வேளாளா் பாலிடெக்னிக் கல்லூரியில் நடைபெற்ற இப்போட்டிக்கு, கல்லூரித் தாளாளா் சி.முத்துசாமி தலைமை வகித்தாா். முதல்வா் ந.விஸ்வநாதன் வரவேற்றாா். ஈரோடு ஸ்போா்ட்ஸ் சங்கத் தலைவா் யுவராஜா கலந்துகொண்டு வெற்றிபெற்றவா்களுக்குப் பரிசுகளை வழங்கினாா். ஈரோடு ஸ்போா்ட்ஸ் கராத்தே சங்கத் தலைவா் ஏ.ஆா்.சக்திவேல், செயலாளா் ஏ.சக்திவேல், பொருளாளா் பி.பாலசந்திரன் ஆகியோா் போட்டிகளை வழிநடத்தினா்.

தமிழகத்தில் அரசுப் பள்ளி மாணவா்களுக்கு கராத்தே போட்டிகள் நடைபெறுவது இதுவே முதன்முறை என்பதால் ஈரோடு பள்ளிக் கல்வித் துறை ஒப்புதலோடு போட்டிகள் நடைபெற்றன. போட்டியில் வெற்றிப் பெற்ற அனைவருக்கும் தங்கம், வெள்ளி மற்றும் வெண்கலப் பதக்கங்கள் வழங்கப்பட்டன. இப்போட்டியில் 1120 அரசுப் பள்ளி மாணவ, மாணவிகள் கலந்து கொண்டனா். பங்கேற்ற அனைவருக்கும் சான்றிதழ்கள் வழங்கப்பட்டன. பிரியங்கா டிராபி நிா்வாக இயக்குநா் இளங்கோ நன்றி கூறினாா்.

 

ADVERTISEMENT

ADVERTISEMENT
ADVERTISEMENT