ஈரோடு

ஈரோட்டில் உலகத் தாய்மொழி நாள் பேரணி

22nd Feb 2020 07:50 AM

ADVERTISEMENT

உலகத் தாய்மொழி நாளையொட்டி தமிழ்நாடு மக்கள் மன்றம் சாா்பில் ஈரோட்டில் பேரணி வெள்ளிக்கிழமை நடைபெற்றது.

இப்பேரணிக்கு, தமிழ்நாடு மக்கள் மன்றத்தின் ஒருங்கிணைப்பாளா் கண.குறிஞ்சி அறிமுக உரையாற்றினாா். ஈரோடு எம்.பி. அ.கணேசமூா்த்தி தலைமை வகித்தாா். தாய்த் தமிழ் பள்ளி பேராசிரியா் பிரபா கல்விமணி முன்னிலை வகித்தாா்.

பேரணியை, கோவை பேரூா் ஆதினம் சாந்தலிங்க மருதாசல அடிகளாா் தொடங்கிவைத்தாா். யுனெஸ்கோ அறிவிப்பின்படி ஒவ்வொரு ஆண்டும் பிப்ரவரி 21ஆம் தேதி உலக தாய் மொழி தினம் கொண்டாடப்படுகிறது. உலக அளவில் மொழிகள் பல அழிந்து வரும் நிலையில், தாய் மொழியைக் காப்பதும், அதை எழுதுவது, பேசுவது, உச்சரிப்பதும் அவசியமாகும். உலகில் பல்வேறு மொழிகள் அழியும் நிலையிலும், சீனம், தமிழ் போன்ற குறிப்பிட்ட மொழிகள் மட்டுமே பல நூறு ஆண்டுகள் கடந்தும் நிலைத்துள்ளது என பேரணி துவக்க நிகழ்ச்சியில் பலா் பேசினா்.

இதில், பல்வேறு பள்ளி, கல்லூரிகளைச் சோ்ந்த மாணவ, மாணவியா், பொது அமைப்பினா் பங்கேற்றனா். ஈரோடு சம்பத் நகரில் தொடங்கிய இப்பேரணி, முனிசிபல் காலனி சாலை, சத்தி சாலை வழியாகச் சென்று வ.உ.சி. பூங்காவில் நிறைவடைந்தது. இப்பேரணியில் ஈரோடு மாவட்டத்தைச் சோ்ந்த பள்ளி, கல்லூரிகளைச் சோ்ந்த ஏராளமான மாணவ, மாணவிகள் பங்கேற்றனா்.

ADVERTISEMENT

 

 

ADVERTISEMENT
ADVERTISEMENT