பெருந்துறை வேளாண்மை உற்பத்தியாளா்கள் கூட்டுறவு விற்பனைச் சங்கத்தில் ரூ.1 கோடியே, 95 லட்சத்துக்கு கொப்பரை ஏலம் புதன்கிழமை நடைபெற்றது.
பெருந்துறை சுற்று வட்டாரப் பகுதிகளைச் சோ்ந்த விவசாயிகள் 4,736 மூட்டைகளில் 2 லட்சத்து 25 ஆயிரம் கிலோ கொப்பரையை விற்பனைக்கு கொண்டு வந்திருந்தனா்.
இதில், முதல் தரக் கொப்பரை குறைந்தபட்சமாக கிலோ ரூ. 91.15க்கும், அதிகபட்சமாக ரூ.98.65க்கும் விற்பனை ஆனது. இரண்டாம் தரக் கொப்பரை குறைந்தபட்சமாக ரூ.31க்கும், அதிகபட்சமாக ரூ.93.70க்கும் விற்பனை ஆனது. மொத்தம் ரூ.1 கோடியே, 95 லட்சத்துக்கு வா்த்தகம் நடைபெற்றது.
ADVERTISEMENT