கோவையில் உள்ள டாஸ்மாக் கடைகளில் திடீா் சோதனை மேற்கொண்ட தமிழக டாஸ்மாக் நிறுவன மேலாண் இயக்குநா், மதுபாட்டிலுக்கு கூடுதல் பணம் வசூலித்த 20க்கும் மேற்பட்ட விற்பனையாளா்கள் மீது பணி மாற்றம், பணியிடை நீக்கம் உள்ளிட்ட நடவடிக்கை மேற்கொண்டாா்.
கோவை மாவட்டத்தில் 298 டாஸ்மாக் மதுபானக் கடைகள் செயல்பட்டு வருகின்றன. இந்த கடைகள் மற்றும் விடுதிகள் முறையாக செயல்படுகிா எனக் கண்டறிய தமிழக டாஸ்மாக் நிறுவன மேலாண் இயக்குநா் விசாகன் சனிக்கிழமை சோதனை மேற்கொண்டாா்.
அதன்படி, கோவை வடக்கு, தெற்கு பகுதிகளில் உள்ள கடைகள், விடுதிகள், கோவை, பொள்ளாச்சி பகுதிகளில் செயல்படும் மதுபானக் கிடங்குகளில் அவா் சோதனை நடத்தினாா். அதில், சில கடைகளில் குறைந்தபட்ச விற்பனை விலையை விட மது பாட்டிலுக்கு கூடுதலாக பணம் பெறப்பட்டது தெரியவந்தது. இதைத் தொடா்ந்து, கூடுதல் பணம் பெற்ற 20க்கும் மேற்பட்ட விற்பனையாளா்கள் மீது பணியிட மாற்றம், பணியிடை நீக்கம் உள்ளிட்ட நடவடிக்கைகளை அவா் மேற்கொண்டாா்.
முன்னதாக மேலாண் இயக்குநா் விசாகன் கோவை, திருப்பூா், நீலகிரி, கரூா் மாவட்ட டாஸ்மாக் நிா்வாகிகளுடன் சனிக்கிழமை கோவையில் ஆலோசனை நடத்தினாா். இதில் மண்டல மேலாளா் ஜெயச்சந்திரன், கோவை மாவட்ட மேலாளா் செல்வன், திருப்பூா் பகுதி நிா்வாகிகள், கிடங்குகளின்
மேலாளா்கள் உள்பட பலா் கலந்து கொண்டனா்.
இந்த கூட்டத்தில் டாஸ்மாக் கடைகளில் உரிய விலையில்தான் மதுபான பாட்டில்கள் விற்பனை செய்ய வேண்டும். குறைந்தபட்ச விற்பனை விலையைக் காட்டிலும் கூடுதலாக மதுபானம் விற்க அனுமதிக்கக் கூடாது. அப்படி விற்கும் விற்பனையாளா்கள் மீது நடவடிக்கை எடுக்க வேண்டும். கடைகளில் மதுபானங்களின் பட்டியல் விலை விவரங்களை ஒட்ட வேண்டும். மதுபானம் வாங்குவோருக்கு உரிய சில்லறையை திரும்பத் தர வேண்டும். மதுபானக் கூடங்களை சுகாதாரமான வகையில் பராமரிக்க வேண்டும். உரிய நேரத்தில் பணிக்கு வராத விற்பனையாளா்கள் மீது நடவடிக்கை எடுக்க வேண்டும். மதுபானக் கடை, விடுதிகளில் முறைகேடு, விதிமுறை மீறல்களுக்கு இடம் தரக் கூடாது. புகாா்கள் தொடா்பாக விரைவாக நடவடிக்கை எடுக்க வேண்டும் என உத்தரவிட்டாா்.