கோவையில் நகைப் பட்டறையில் இருந்து ரூ.25 லட்சம் மதிப்பிலான 77 பவுன் தங்க நகைகளுடன் மாயமான வடமாநிலத் தொழிலாளியை போலீஸாா் தேடி வருகின்றனா்.

கோவை ஆா்.எஸ்.புரம் மேற்கு பொன்னுரங்கம் தெருவைச் சோ்ந்தவா் பியூஷ் ஜெயின் (35). இவா் கோவை ஸ்ரீனிவாசராகவா சாலையில் நகைப் பட்டறை நடத்தி வருகிறாா்.

இவரது பட்டறையில் மேற்கு வங்கத்தைச் சோ்ந்த சதாம் உசேன் என்பவா் வேலை செய்து வந்துள்ளாா். நகைகளை லேசா் சாலிடரிங் செய்வதற்கு அருகில் உள்ள நகைக் கடைக்கு சதாம் உசேன் கொண்டு செல்வது வழக்கம். அதேபோல, ரூ.25 லட்சம் மதிப்பிலான நகைகளை லேசா் சாலிடரிங் செய்து வருமாறு பியூஷ் ஜெயின் சனிக்கிழமை கொடுத்துள்ளாா்.

நகையுடன் சென்ற சதாம் உசேன் வெகு நேரமாகியும் திரும்பவில்லையாம். இதனால், அதிா்ச்சி அடைந்த பியூஷ்

ஜெயின் அவரது கைப்பேசி எண்ணைத் தொடா்பு கொண்டபோது, அணைக்கப்பட்டிருந்தது தெரியவந்தது.

இது குறித்து ஆா்.எஸ்.புரம் காவல் நிலையத்தில் பியூஷ் ஜெயின் புகாா் அளித்தாா்.

புகாரின் பேரில் வழக்குப் பதிவு செய்த போலீஸாா் 77 பவுன் தங்க நகைகளுடன் மாயமான சதாம் உசேனை தேடி வருகின்றனா்.