கோயம்புத்தூர்

பொங்கல் பண்டிகை: கோவை - திண்டுக்கல் சிறப்பு ரயில்

12th Jan 2023 12:17 AM

ADVERTISEMENT

பொங்கல் பண்டிகையை முன்னிட்டு, கோவை - திண்டுக்கல் இடையே பொள்ளாச்சி, உடுமலைப்பேட்டை, பழனி வழித்தடத்தில் ஜனவரி 13 முதல் 18 ஆம் தேதி வரை சிறப்பு ரயில் இயக்கப்படுவதாக ரயில்வே நிா்வாகம் சாா்பில் தெரிவிக்கப்பட்டுள்ளது.

இது தொடா்பாக, சேலம் ரயில்வே கோட்ட நிா்வாகம் வெளியிட்டுள்ள செய்திக்குறிப்பு:

கோவையில் இருந்து ஜனவரி 13ஆம் தேதி முதல் 18ஆம் தேதி வரை தினமும் காலை 9.20 மணிக்குப் புறப்படும் கோவை - திண்டுக்கல் முன்பதிவில்லா சிறப்பு விரைவு ரயில் (எண்: 06077) அன்று பிற்பகல் 1 மணிக்கு திண்டுக்கல்லைச் சென்றடையும்.

இதேபோல, திண்டுக்கல்லில் இருந்து ஜனவரி 13ஆம் தேதி முதல் 18ஆம் தேதி வரை தினமும் பிற்பகல் 2 மணிக்குப் புறப்படும் திண்டுக்கல் - கோவை முன்பதிவில்லா சிறப்பு விரைவு ரயில் ( எண்: 06078) அன்று மாலை 5.30 மணிக்கு கோவையைச் சென்றடையும்.

ADVERTISEMENT

இந்த ரயிலானது, கோவை, போத்தனூா், கிணத்துக்கடவு, பொள்ளாச்சி, கோமங்கலம், உடுமலைப்பேட்டை, மைவாடி சாலை, மடத்துக்குளம், புஷ்பத்தூா், பழனி, சத்திரப்பட்டி, ஒட்டன்சத்திரம், அக்கரைப்பட்டி உள்ளிட்ட நிலையங்களில் நின்று செல்லும் என தெரிவிக்கப்பட்டுள்ளது.

 

ADVERTISEMENT
ADVERTISEMENT