கோவை: கோவையில் மனைவியை நடுரோட்டில் தாக்கிய தொழிலாளியை போலீஸாா் கைது செய்தனா்.

கோவை சிங்காநல்லூா் பாலாஜி நகரைச் சோ்ந்தவா் ரவிசந்திரன் (45), கூலி தொழிலாளி. இவரது மனைவி ராஜஸ்ரீ (40), தனியாா் நிறுவனத்தில் வேலை செய்து வருகிறாா்.

கருத்து வேறுபாடு காரணமாக இருவரும் தனியே வசித்து வருகின்றனா்.

இந்நிலையில், சிங்காநல்லூா் உழவா் சந்தைப் பேருந்து நிலையத்தில் ராஜஸ்ரீ சனிக்கிழமை நின்று கொண்டிருந்துள்ளாா்.

அப்போது, அங்கு வந்த ரவிசந்திரன் ராஜஸ்ரீயிடம் வாக்குவாதத்தில் ஈடுபட்டுள்ளாா்.

இதி, ஆத்திரமடைந்த ரவிசந்திரன் அங்கிருந்த இரும்புக் கம்பியால் ராஜஸ்ரீயை தாக்கியதில் அவா் படுகாயமடைந்தாா்.

அங்கிருந்தவா் ராஜஸ்ரீயை மீட்டு மருத்துவமனைக்கு அனுப்பிவைத்தனா்.

இச்சம்பம் தொடா்பாக சிங்காநல்லூா் காவல் நிலையத்தில் ராஜஸ்ரீ புகாா் அளித்தாா். வழக்குப் பதிவு செய்த போலீஸாா் ரவிசந்திரனை கைது செய்தனா்.