கோயம்புத்தூர்

16 இடங்களில் பெட்ரோல் குண்டு வீசப்படும்:பொள்ளாச்சி போலீஸாருக்கு மா்ம நபா் கடிதம் தீவிர வாகன சோதனை

30th Sep 2022 12:00 AM

ADVERTISEMENT

கோவை மாவட்டம், பொள்ளாச்சியில் 16 இடங்களில் பெட்ரோல் குண்டு வீசப்படும் என போலீஸாருக்கு வந்த கடிதத்தால், பொள்ளாச்சியில் வாகன சோதனை தீவிரப்படுத்தப்பட்டுள்ளது.

பொள்ளாச்சி குமரன் நகா் பகுதியில் இந்து முன்னணி மற்றும் பாஜக நிா்வாகிகள் வீடுகளின் முன் நிறுத்தப்பட்டிருந்த காா் உள்ளிட்ட வாகனங்கள் அண்மையில் சேதப்படுத்தப்பட்டன. இது தொடா்பாக பாப்புலா் ஃப்ரண்ட் ஆஃப் இந்தியா மற்றும் எஸ்டிபிஐ கட்சியைச் சோ்ந்த 6 பேரை மேற்கு காவல் நிலைய போலீஸாா் கைதுசெய்து சிறையில் அடைத்தனா்.

இந்நிலையில், மேற்கு காவல் நிலைய ஆய்வாளருக்கு மா்ம நபா்கள் ஒரு கடிதம் அனுப்பியுள்ளனா். அதில், பொள்ளாச்சியில் 16 இடங்களில் பெட்ரோல் குண்டு அல்லது கையெறி குண்டு வீசப்படும். காவல் துறை எங்களுக்கு எதிரி அல்ல, சட்டம்- ஒழுங்கு பிரச்னையை ஏற்படுத்த வேண்டும் -எஸ்டிபிஐ, பாப்புலா் ஃபிரண்ட் ஆஃப் இந்தியா என கடிதத்தில் குறிப்பிடப்பட்டிருந்தது.

இந்த கடிதத்தை அனுப்பிய மா்ம நபா் குறித்து போலீஸாா் தீவிர விசாரணை மேற்கொண்டுள்ளனா். மேலும், பொள்ளாச்சி பகுதிகளில் முன்னெச்சரிக்கை நடவடிக்கையாக வாகன சோதனை அதிகரிக்கப்பட்டுள்ளது.

ADVERTISEMENT

ADVERTISEMENT
ADVERTISEMENT