கோயம்புத்தூர்

346 கிலோ புகையிலைப் பொருள்கள் பறிமுதல்: மூவா் கைது

27th Nov 2022 02:17 AM

ADVERTISEMENT

 

கோவையில் காரில் கடத்தப்பட்ட 346 கிலோ புகையிலைப் பொருள்களைப் பறிமுதல் செய்த போலீஸாா், இதில் தொடா்புடைய கல்லூரி மாணவா் உள்பட மூவரை கைது செய்தனா்.

கோவை மாவட்டம், காட்டூா் போலீஸாா் ரயில்வே பாலம் அருகே வாகனச் சோதனையில் வெள்ளிக்கிழமை இரவு ஈடுபட்டிருந்தனா்.

அப்போது, அவ்வழியே காரில் வந்தவா்களை நிறுத்தி விசாரணை மேற்கொண்டனா். இதில், அவா்கள் முன்னுக்குப் பின் முரணாக பதிலளித்தனா். இதனால், சந்தேகமடைந்த போலீஸாா் காரை சோதனையிட்டபோது, அதில் 346 கிலோ புகையிலைப் பொருள்கள் இருந்தது தெரியவந்தது.

ADVERTISEMENT

இதையடுத்து, அவா்களை காட்டூா் காவல் நிலையத்துக்கு அழைத்துச் சென்று விசாரணை மேற்கொண்டனா்.

இதில், அவா்கள் ராஜஸ்தான் மாநிலத்தைச் சோ்ந்த சுஜாராம் (27), கல்லூரி மாணவா் கோவிந்த் மீனா (21) , ராமநாதபுரம் மாவட்டம், திருவாடானையைச் சோ்ந்த செந்தில்வேல் என்பதும், புகையிலைப் பொருள்கள் விற்பனையில் ஈடுபட்டு வந்ததும் தெரியவந்தது.

இதையடுத்து, மூவரையும் கைது செய்த போலீஸாா், அவா்களிடமிருந்த 346 கிலோ புகையிலைப் பொருள்கள், ரூ.45,000 ரொக்கம், கடத்தலுக்குப் பயன்படுத்திய காா் ஆகியவற்றை பறிமுதல் செய்து, அவா்களை நீதிமன்றத்தில் ஆஜா்படுத்தி சிறையில் அடைத்தனா்.

 

ADVERTISEMENT
ADVERTISEMENT